Qaraqalpaqstan Respublikası Ministrler Keńesi

Ózbekstan Respublikası Prezidentiniń qararı menen Shańaraqlıq shıpakerlik punktleri, shańaraqlıq poliklinika hám rayonlıq (qalalıq) kóp tarmaqlı oraylıq poliklinikalarda kúndizgi stacionar jumıs waqtı saat 20:00 ge shekem sozdırılatuǵını jáne olarda isleytuǵın medicina xızmetkerlerine 2022-jıl 1 iyunnen baslap qosımsha ústeme haqı belgilenetuǵını kórsetilgen. 

Sonıń menen birge alıs hám shetki aymaqlardaǵı shańaraqlıq shıpakerlik punktleri hám shańaraqlıq poliklinikalarda jumıs islep atırǵan barlıq shıpakerlerdiń aylıq miynet haqısına qosımsha 2 million sum muǵdarında hár aylıq ústeme belgilenedi jáne olarǵa ipoteka tiykarında turaq jay satıp alıwda turaq jay bahasınıń 50 procentine shekemgi bólegi, biraq bazalıq esaplaw muǵdarınıń 500 esesinen aspaǵan muǵdarda jergilikli byudjet qarjıları esabınan qaplap beriledi, alıs hám shetki aymaqlarda úzliksiz úsh jıl islegen shıpakerler klinikalıq ordinaturaǵa test sınaqlarısız qabıl etiledi.