baspaǵa shıǵarıw
Mámleketimizde
bilimlendiriw tarawına qaratılǵan itibar, onı rawajlandırıw baǵdarındaǵı ámeliy
isler, erteńgi bilimli keleshektiń jetilisip shıǵıwına tiykar jaratadı.
Ózbekstan Respublikası Prezidentinin 2022-jıl 3-fevraldaǵı Pármanı menen
bilimlendiriw sistemasın reformalaw boyınsha Milliy keńestiń tastıyıqlanıwı
bilimlendiriw sistemasın reformalaw, sırt
mámleketlerdiń eń aldınǵı tájriybeleri tiykarında bilimlendiriw sapasın
arttırıw, pedagog kadrlardıń bilimi hám mamanlıǵın xalıqaralıq dárejege alıp
shıǵıwda ulken áhmiyetke iye boldı.
Búgin Qaraqalpaqstan
Respublikası Ministrler Keńesinde bilimlendiriw sistemasın reformalaw boyınsha
Qaraqalpaqstan Respublikası aymaqlıq keńesi tárepinen alıp barılǵan úyreniw
jumısları hám aldaǵı wazıypalarǵa baǵıshlanıp májilis bolıp ótti.
Májilisti Qarakalpaqstan
Respublikası Ministrler Keńesiniń Baslıǵı Qaxraman Sariyev
alıp bardı hám aymaqlıq keńestiń
respublikamızdaǵı ulıwma bilim beriw mekteplerinde alıp barǵan uyreniw
jumısları boyınsha maǵlıwmatlarǵa toqtaldı.
Mekteplerde oqıwshılarǵa
berilip atırǵan bilim sapası, oqıtıwshılardıń potencialı, bilimlendiriw orınlarınıń
reyting nátiyjeleri úyrenilgeninde bir qansha kemshilikler bar ekenligi
anıqlanǵan.
Májiliste mekteplerde bilim beriw sapasın jaqsılaw, joqarı kategoriyalı pedagoglar menen támiyinlew hám kompyuter, laboratoriya klasların zamanagóy talaplar tiykarında úskenelew máseleleri dodalanıp pikir usınıslar tıńlandı.
