baspaǵa shıǵarıw
Aziya rawajlanıw banki qatnasıwındaǵı A-380
«Ǵuzor-Buxara-Nukus-Beynew» avtomobil jolınıń 964-1204 km (240) bóliminde
cementobeton qaplaması menen rekonstrukciya qılıw joybarınıń barısı menen
tanısıw maqsetinde Aziya rawajlanıw bankiniń Oraylıq hám batıs Aziya
departamenti, Transport hám kommunikaciyalar bólimi xızmetkeri Pavan Karki
basshılıǵındaǵı delegaciya Qaraqalpaqstan Respublikasında boldı.
Delegaciya aǵzaların Qaraqalpaqstan Respublikası Ministrler
Keńesi Baslıǵı Qaxraman Sariev qabılladı. Ushırasıw dawamında birgelikte ámelge
asırılıp atırǵan joybardıń áhmiyetine toqtalıp ótildi.
Sonıń menen birge, A-380 “Ǵuzor-Buxoro-Nukus-Beyneu”
avtomobil jolınıń 25 km uzınlıqtaǵı 673-698 km aralıǵın rekonstrukciya qılıw
joybarın 2022-jılda baslaw boyınshada sóylesiwler alıp barıldı.
QR
Ministrler Keńesiniń Málimleme xızmeti