baspaǵa shıǵarıw
Tashkent qalasında
"Nafosat", "Gender tenglik faoli" hám "Yil ayoli"
milliy kórik tańlawlarında jeńimpaz bolǵan qatnasıwshılardı sıylıqlaw máresimi
bolıp ótti.
Onda Qaraqalpaqstan
Respublikası Kegeyli rayonındaǵı "Arzıw" fermer xojalıǵı baslıǵı
Salieva Palzada Gran Pri jeńimpazı bolıp, Prezident sawǵası Laсetti (Gentra)
avtomashinası menen sıylıqlandı.
Qaraqalpaqstan
Respublikasınan dizayner Dilnaz Adilchaeva hár túrli shólkemlerde miynet etip
atırǵan hayal-qızlardıń kiyiniw mádeniyatın jánede jetilistiriw, olar arasında
milliy hám zamanagóy, mentalitetimizge sáykes kiyimlerdi keńnen úgit-násiyatlawda
qosqan úlesi ushın «Nafosat» tańlawı jeńimpazları qatarınan orın aldı.
Sonıń menen birge gender
teńlikti úgit nasiyatlawǵa qaratılǵan "Eń jaqsı radio baǵdarlama"
nominatsiyası boyınsha Qaraqalpaqstan teleradiokanali bas redaktorı Nurbekova
Gulnaz Azatovna jeńimpaz dep tabıldı.
QR Ministrler Keńesiniń Málimleme xızmeti