baspaǵa shıǵarıw
Búgin, 19-dekabr kúni paytaxtımız Nókis qalasındaǵı atshabar
maydanında «Awıl xojalıǵı xızmetkerleri kúni» sheńberinde «Zúráát bayramı»
bolıp ótti.
Atshabar maydanınıń aldına qara úyler tigilip, awıl xojalıǵı
ónimleriniń kórgizbesi, bayram koncertleri shólkemlestirilgen bolsa, bayramǵa
jıynalǵan xalqımız dáslep arqan tartıs oyının tamashaladı.
Arqan tartıs boyınsha 1-orındı Shımbay rayonı wákilleri
jeńip aldı.
Sonday-aq,
bayram sheńberinde qoshqar dúgistiriw tamashaları da dawam etti.
Bayram
tamashaları sheńberinde Qaraqalpaqstannıń bas palwanları qatnasıwındaǵı
bellesiwlerge bas bayraq – Lasetti «Gentra» avtomobili qoyıldı.
Barlıq
qarsılasların jeńip, bas bayraqqa talaban bolǵan eki palwan –Shomanay rayonınan
Miyirbek palwan hám Zarapat palwanlar óz ara bellesti. Onda Zarapat palwannıń
qolı bálent kelip, Bas bayraq – Lasetti «Gentra» avtomobilin jeńip aldı.
Sonıń menen
5 aylaw, 7 aylaw hám 10 aylawǵa at jiberildi. 10 aylawdıń bas bayraǵı Lasetti
«Gentra» Tashkent qalasınan kelgen shabandozǵa nesib etti.
Tómende siz usı ilajlardan tayarlanǵan fotoreportajdı tamashalawıńız múmkin.
