baspaǵa shıǵarıw
Búgingi
kúnde mámleketimizde densawlıq tarawın túpten jaqsılaw, tarawǵa joqarı
texnologiyalardı engiziw, alıs aymaqlarda joqarı medicinalıq járdem kórsetiw
ushın sharayatlar jaratıw hám xalıqtıń salamatlıǵın arttırıw baslı másele
aylanǵan.
Usı maqsette búgin Qaraqalpaqstan Respublikasındaǵı medicina xızmetkerleri menen tarawdaǵı mashqalalar hám jetiskenlikler boyınsha ashıq sáwbet bolıp ótti.
Ashıq
sáwbetke Ózbekstan Respublikası Prezidentiniń Densawlıq, bilimlendiriw hám
sporttı rawajlandırıw máseleleri boyınsha keńesgóyi Abdujabbar Abduvaxitov,
Qaraqalpaqstan Respublikası Ministrler Keńesiniń Baslıǵı Qaxraman Sariyev hám
taraw xızmetkerleri qatnastı.
Ushırasıw dawamında Qaraqalpaqstanda tarawdı rawajlandırıw boyınsha ámelge asırılıp atırǵan jumıslar, júzege kelip atırǵan mashqalalar hám bul mashqalalardı saplastırıw boyınsha taraw xızmetkerleriniń pikir hám usınısları tıńlandı.
