baspaǵa shıǵarıw
Awıl-xojalıq tarawındaǵı jumıslardıń sapalı
júrgiziliwi hám diyqanlardıń mashaqatlı miynetleri arqasında mol qırman úyildi.
Búgin rayon fermerleri mámleketke
tapsırılatuǵın paxta shártnamasın tolıǵı menen orınladı.
2021-jıl paxta jıyım-terim mapazı ushın
puqta tayarlıq kórilip, bul boyınsha sistemalı jumıslar ámelge asırıldı. Erte
báhárden tábiyat ınjıqlıqlarına qaramay egislik jer maydanlarına tuqım sewgen
diyqanlar óziniń mol tájiriybesi, mashaqatlı miynetiniń jemisi bolǵan
daqılların sepsitpey jıynap aldı.
Bıyılǵı jıyım-terim mapazına jumıssız hám
waqtınsha bánt bolmaǵan xalıqtan ibarat terim otryadları dúzilip, olardı
máwsimli jumısqa qabıllawda fermer xojalıǵı menen puqaralıq huqıqıy
shártnamalar dúzildi.
Paxta maydanlarında hadal miynet etip,
elimiz qırmanına úles qosıp atırǵan diyqanlar hám awıl-xojalıq xızmetkerlerine
tereń minnetdarshılıq bildiremiz. Atız maydanlarında erte báhárden miynet etip,
mol qırman úyiwge bel baylaǵan diyqanlarımızdıń gúzgi jıyım-terim mapazında
niyeti ámelge astı.
Qırmanıńız bálent bolsın áziyz diyqanlar!