baspaǵa shıǵarıw
Qońırat rayonı jollardan paydalanıw unitar kárxanası
tárepinen Qońırat rayonınıń oraylıq kóshesi esaplanǵan 4 N-36 (Qaraqalpaqstan
kóshesi) bir tárepleme háreketti támiynlewshi
eni 7,5 m. hám 9 m. bolǵan 2 polosalı eki avtomobil jolınan 6 polosalı
eni 22 metrlik bir pútin jolǵa aylandırılıp atırǵan edi
(https://t.me/qaraqalpaq_avtojol/1463).
Kúndelikli ońlaw jumısları sheńberinde keńeytilip atırǵan
joldıń, 10-11-km aralıǵında grunt jumısları, asfalt astı tiykar (osnovanie
avtomobilnoy dorogi) islenip, tayar jaǵdayǵa keltirildi. Asfaltobeton alıp
keliniwi menen jańadan qaplama tósew jumısları qızǵın baslap jiberildi.
-«Keń kólemli qurılıs-ońlaw jumısları bir qaraǵanda oǵada
ańsat kóriniwi múmkin. Biraq, hár bir jumıstıń mashaqatı bolǵanınday, jol
salıwdıń da ózine jarasa qıyınshılıǵı, mashaqatı boladı. Jolshılarımız da
jollarımızdıń tegis hám aydın bolıwında ayanbay miynet etip atır»- deydi
Qońırat RJPUK baslıǵı I.Qoshqarov.
Qaraqalpaq Avtojol