Qaraqalpaqstan Respublikası Ministrler Keńesi

Usı jıldıń 26-27- oktyabr kúnleri Tashkent Medicina Akademiyasında Ózbekstan Respublikasındaǵı 11 medicina institutları hám   SNG mámleketleriniń medicina bilim jurtları studentleri qatnasında "Tibbiyot mohirlari" 1- Xalıqaralıq studentler olimpiadası bolıp ótti.    

       Offlayn rejimde ótken bul olimpiada studentler Mediko- biologiya, Terapiya (ishki kesellikler hám Nevrologiya), Xirurgiya baǵdarları boyınsha alǵan bilimlerin sınaqtan ótkerdi.

     Qaraqalpaqstan Medicina institutınıń ishki kesellikler propedevtikası kafedrası oqıtıwshısı Azima Tilewbergenovanıń basshılıǵında bakalavriat talabaları Zumrad Abubakirova ( 2-kurs), Elyor Ruzmetov (5-kurs), Ruslan Davletov (6-kurs), Aman Uzaqov (4-kurs), Aysha Reyimbaeva (6-kurs), Muratbek Jollıbekovlar (6-kurs) qatnasıp. kópshilik aldında ózleriniń bilimin hám ilgirligin kórsete aldı.

   QMI komandası aǵzası Ruslan Davletov Nevrologiya baǵdarı boyınsha Tashkent Medicina Akademiyasınan soń 2-orındı iyelep jeńimpaz boldı. Al Muratbek Jollıbekov Xirurgiya baǵdarında jeńisli 3-orınǵa ılayıq dep tabıldı. Solay etip "Tibbiyot mohirlari" 1- Xalıqaralıq studentler olimpiadasında Qaraqalpaqstan Medicina institutınıń studentleri sıylı 2 hám 3- orınlardı iyelep, jeńimpaz boldı.

   Ekspertler hám DSS tarawınıń maman qánigelerinen quralǵan tóreshiler tárepinen bilimleri joqarı bahalanǵan QMI studentleri, institutımızda bolajaq shıpakerler teoriyalıq bilimler ámeliyat penen qosa teńdey alıp barılıp, hár tárepleme tereń bilim alıp atırǵanlıǵın ámelde kórsete aldı. Bul álbette institut jámááti ushın úlken jetiskenlik hám quwanısh. Biz olimpiada jeńimpazların, bárshe ustaz-oqıtıwshılarımızdı jeńis penen qutlıqlaymız hám aldaǵı waqıtları jáne de úlken tabıslarǵa erise beriwine tileklespiz.

                                                                                            

QMI baspasóz xızmeti