Qaraqalpaqstan Respublikası Ministrler Keńesi

06.12.2024 Jámiyet docx formatta júklep alıw (315,2 kb) pdf formatta júklep alıw (879,8 kb) baspaǵa shıǵarıw

Nókis qalalıq hákimligi din isleri bólimi hám Respublika Ruwxıylık hám aǵartıw orayı Nókis qalalıq bólimleri tárepinen 1-sektor aymaǵında jaylasqan ulıwma bilim beriw mektepleri arasında jaslardıń ideyalogiyalıq immunitetin bekkemlew, olar arasında kiyiniw mádeniyatın arttırıw, milliyligimizge bolǵan húrmetti oyatıw, sonday-aq jat ideyalar tásirinen saqlaw maqsetinde «Milliy kiyim-mánawiyat tiykarı» súreni astında tańlaw shólkemlestirildi.

Tańlawǵa Qaraqalpaqstan Respublikası Ministrler Keńesi Baslıǵınıń orınbasarı R.Saparbaev, Nókis kalası hákiminiń orınbasarı J.Abdijamilov, Qaraqalpaqstan Musılmanlar qazıyatı qánigesi T.Dosımbetova, Qaraqalpaqstan Respublika aymaqlıq basqarmasınıń Nókis qalalıq din isleri boyınsha bas qánigesi X.Nezamatov, Respublika Ruwxıylık hám aǵartıw bólimi baslıǵı Q.Nuratdinov hám Nokis kalalıq Xalıq bilimlendiriw bólimi qánigesi Ǵ.Uralbaevalar qatnastı.

 Tańlaw «Milliy kiyimler kórgizbesi» hám «Milliy kiyimler mádeniyatı boyınsha saxnalıq kórinis»  shártlerinen ibarat bolıp, tańlaw juwmaǵında paytaxtımızdaǵı 38-sanlı ulıwma bilim beriw mektebi 1-orındı, 25-sanlı mektep 2-orındı hám 19-sanlı mektepler 3-orındı iyelep, jeńimpazlar tańlaw shólkemlestiriwshileri tárepinen húrmet jarlıǵı hám bahalı sawǵalar menen sıylıqlandı.

Respublikalıq Ruwxıy-aǵartıwshılıq orayı Qaraqalpaqstan bólimi