baspaǵa shıǵarıw
Búgingi kúnde elimizde kórkem-óner hám milliy mádeniyattı rawajlandırıwda bir qansha jumıslar alıp barılmaqta. Ata-babalar milliy miyrasın keyingi áwladqa jetkerip beriw hám onı keń jámiyetshilikke tanıtıw menen birge ishki hám sırtqı turizmdi rawajlandırıw boyınsha bir qansha jumısqa jumıslar ámelge asırılmaqta.
Ózbekstan Respublikası Prezidentiniń 2021-jıl 9-fevraldaǵı «Ózbekstan Respublikasında ishki hám zıyarat turizmdi jáne de, rawajlandırıw is-ilajları haqqında»ǵı PP-6165-sanlı Pármanına muwapıq “Milliy suvenirler” festivalın shólkemlestiriw hám ótkeriwdi ámelge asırıw belgilengen.
Ǵárezsizlik
jıllarında milliy úrip-ádetlerimizdi qayta tiklep, ónermentshilikti
rawajlandırıw boyınsha kóplegen imkaniyatlar jaratıldı.
Búgin Qaraqalpaqstan Respublikası tariyxı hám mádeniyatı mámleketlik muzeyinde Milliy suvenirler festivalı ótkerildi.
Festivaldı ótkeriwden maqset milliy ónermentshilikti
saqlaw, ónerment ustalar dóretiwshiligin
tanıtıw bolıp esaplanadı.
Bunday
ilajlardı ótkeriw milliyligimizdi ózinde sáwlelendirgen tariyxtı, estetikalıq
mádeniyattı, etnografiyalıq hám basqa da, miyraslardı jas áwladqa tanıtıwda
oǵada áhmiyetli.