baspaǵa shıǵarıw
Qaraqalpaqstanda Ázerbayjan mádeniyatı hám ádebiyatı
kúnleri bolıp ótpekte.
Ázerbayjan Respublikasınıń Ózbekstandaǵı elshixanası
janındaǵı Haydar Aliev atındaǵı Ázerbayjan mádeniyatı orayınıń baslaması menen
20-21-oktyabr kúnleri Nókis qalasında Ázerbayjan mádeniyatı hám ádebiyatı
kúnlerin ótkeriw jobalastırılǵan edi.
Usı múnásibet penen 28 adamnan ibarat bolǵan delegaciya aǵzaları 20-oktyabr kúni Nókis xalıqaralıq aeroportında saltanatlı túrde kútip alındı.
Minstrler Keńesi Baslıǵı Kaxraman Sariyev delegaciya
aǵzaların qabıl etti.
Ushırasıw dawamında miymanlar ózlerine kórsetilip
atırǵan húrmetten sheksiz minnetdar ekenligin bildirdi. Sonıń menen birge
bunday mádeniyat kúnlerin ótkeriw xalıqlarımızdı elede jaqınlastırıwǵa, doslıq
qatnasıqların bunnan bılay da bekkemlewge xızmet etetuǵınlıǵı atap ótildi.
Sonday-aq, delegaciya aǵzası, Ázerbayjan Milliy Májlis
deputatı Ganira Pashaeva Qaraqalpaq
ádebiyatı hám mádeniyatı kúnlerin Ázerbayjanda shólkemlestiriw hám
jurnalistlerdiń tájiriybe almasıwı ushın sharayat jaratıw boyınsha óziniń
usınısların bildirdi. Sonıń menen birge Ganira Pashaeva Qaraqalpaq dástanları
Ázerbayjanda oǵada belgili ekenligin, «Qırq qız» dástanı Ázerbayjanda awdarma
islengenin atap ótti.
Ushırasıw sońında delegaciya aǵzaları ózleriniń sheksiz
minnetdarshılıǵın bildirip, aldaǵı waqıtlarda da tıǵız birge islesiwge tayar
ekenligin bildirdi.
QR Ministrler Keńesiniń Málimleme xızmeti