baspaǵa shıǵarıw
2021-jıl 26-sentyabr kúni Samarqand rayonınıń 13
puqarası úyinde gaz joq ekenligi sebepli Samarqand «M-37a avtomobil aylanba
jolı»nıń qatnaw bólimin tosıp qoyǵan.
Málim etiliwinshe, olar jasaytuǵın aymaq
2015-jılda Ministrler Kabinetiniń qararı tiykarında gaz tarmaǵınan úzilip,
suyıltırılǵan gaz ballonları menen támiyinleniwi jolǵa qoyılǵan.
Narazılıq bildirgen puqaralar jasaytuǵın aymaqqa sońǵı ret máhállege
29-iyul kúni suyıltırılǵan gaz ballonları tarqatılǵan.
Júz bergen jaǵday boyınsha rayonlıq IIB tárepinen tergewge shekemgi
sorastırıw háreketleri alıp barılıp, toplanǵan hújjetler Jınayat isleri
boyınsha Samarqand rayonı sudına jiberilgen.
Jınayat isleri boyınsha Samarqand rayonı sudınıń qararı menen 13 shaxs
Hákimshilik juwapkershilik haqqındaǵı kodekstiń 183-201-statyaları (mayda huqıqbuzarlıq hám mitińler, kóshe júriwleri yamasa narazılıqlar shólkemlestiriw tártibin buzıw) tiykarında
hákimshilik juwapkershilikke tartılǵan.
Joldı tosıp qoyǵan 13 puqaradan ekewine hákimshilik qamaq jazası, 11
puqaraǵa járiyma jazası tayınlandı. Bul
haqqında wálayat IIB xabar bermekte.