baspaǵa shıǵarıw
2021-2022-oqıw jılı qabıllawı ushın
tastıyıqlanǵan «Respublikalıq joqarı bilimlendiriw mákemeleriniń bakalavriat
tálim baǵdarlarına sáykes test sınaǵı tapsırılatuǵın pánler kompleksi» bahalaw
kriteriyaları ózgergenligi sebepli, abiturientlerge qolaylı sharayatlar jaratıw
maqsetinde aldınǵısınan ózgeshe tárizde tólemli kontrakt tiykarında
studentlikke usınıs etiw sızıǵı shegarasına shekem jeterli ball toplay almaǵan
abiturientlerge eselengen tólemli kontrakt muǵdarın ámelde belgilengen bazalıq
tólemli kontrakt muǵdarına salıstırǵanda tómendegi tártipte ámelge asırılıwı belgilendi:
Toplaǵan balları tastıyıqlanǵan tólemli kontrakt boyınsha qabıllaw parametrleri shegarasına:
- 1,05 ballǵa shekem jetpegen abiturientler ushın
– bazalıq tólemli kontrakt muǵdarınıń 1,5 esesi;
- 1,06 balldan 2,05 ballǵa shekem jetpegenler
ushın – bazalıq tólemli kontrakt muǵdarınıń 2,0 esesi;
- 2,06 balldan 3,05 ballǵa shekem jetpegenler
ushın – bazalıq tólemli kontrakt muǵdarınıń 2,5 esesi;
- 3,06 balldan 4,05 ballǵa shekem jetpegenler
ushın – bazalıq tólemli kontrakt muǵdarınıń 3,0 esesi.
Bunda usı kategoriyadaǵı abiturientler ushın
tólemli kontrakttıń minimal muǵdarların esaplawda 2021-2022-oqıw jılında
tastıyıqlanǵan bakalavriat tálim baǵdarları boyınsha bir studentti tólemli
kontrakt tiykarında stipendiyasız bazalıq tólemli kontrakt boyınsha oqıtıw
bahası qollanıladı jáne koronavirus infekciyasına qarsı shanshılǵan (vakcina
alǵan) abiturientlerge belgilengen eselengen tólemli kontrakttıń minimal
muǵdarına bir mártelik 10 procentlik shegirme beriledi.
Qaraqalpaqstan xabar agentligi.