Qaraqalpaqstan Respublikası Ministrler Keńesi

Xalıqtıń múrájatları menen islesiw sistemasın pútkilley jańa usılda shólkemlestiriw búgingi kúnniń áhmiyetli máselesi bolıp qalmaqta.

Sonlıqtan búgin Ministrler Keńesinde Ózbekstan Respublikası Prezidenti Keńesgóyiniń birinshi orınbasarı Baxtiyor Jaxongirovich Islamov, Ózbekstan Respublikası Prezidenti Administraciyasınan juwapker qánigeler Farhod Amanovich Azizov hám Sarvar Nosirjonovich Mamadievlerdiń qatnasında Seminar-trening bolıp ótti. 

Seminarda Qaraqalpaqstan Respublikası sektor basshıları, Ministrler Keńesi Baslıǵınıń barlıq orınbasarları, Qaraqalpaqstan sudları baslıqları, xalıqtıń múrájatları menen islew boyınsha operativ shtab aǵzaları, ministrlikler menen mákeme shólkemlerdiń basshıları qatnastı.

Búgingi kúnde Ministrler Keńesi Baslıǵınıń barlıq orınbasarları, ministrlikler aymaqlarda xalıqtıń múrájatların sheshim taptırıw boyınsha sistemalı jumıs alıp barmaqta.

Shólkemlestirilgen seminardan tiykarǵı maqset, xalıqtan kelip túsip atırǵan múrájatlardı nızamshılıqta belgilengen tártipte unamlı sheshim taptırıw mexanizmin jetilistiriwden ibarat.