baspaǵa shıǵarıw
Xalıqaralıq áhmiyetke iye A-380 (Ǵuzar-Buxara-Nókis-Beynew)
avtomobil jolınıń 552-604-km. aralıǵınıń ekspluataciya jumısları, kúndelikli
ońlaw, saqlaw jumısları Tórtkúl rayonı jollardan paydalanıw unitar kárxanası
tárepinen alıp barılmaqta. Usı joldıń 589,9-590,7-km.leri búgingi kúnde ońlawǵa
mútáj jaǵdayǵa kelip qalǵan bolıp, kárxana tárepinen usı jıldıń mart ayınan
baslap, ońlaw jumısları baslap jiberilgen edi. 2021-jıl ushın kúndelikli ońlaw
jumıslarına ajıratılǵan qarjı esabınan ońlaw hám asfalt tósew jumısları alıp
barıldı. Tilekke qarsı bitum materialı jetkerip beriliwi waqtınsha úziliske
túsip, ońlaw jumısları joldıń tiyisli qatnaw bóliminde avtomobil jolın tegislew
hám щeben tósew jumısları menen toqtap turǵan edi.
Házirgi waqıtta joldıń qalǵan bólegine asfalt tósew
jumısları qızǵın túrde alıp barılıp atır hám kúndelikli ońlaw jumısları keń
kólemli júrgizilmekte.
Qaraqalpaqstan Respublikası avtomobil jolları aymaqlıq bas
basqarması málimleme xızmeti