baspaǵa shıǵarıw
2021-jıl 29-iyul kúni Mámleketlik xızmetler agentligi Qaraqalpaqstan Respublikası basqarması jańa imaratında 2021-jıl I yarım jıllıǵı dawamında ámelge asırılǵan jumıslar, erisilgen nátiyjeler, tiykarǵı kórsetkishler hám belgilengen rejeler boyınsha baspasóz konferenciyası bolıp ótti.
Baspasóz konferenciyasın Mámleketlik
xızmetler agentligi Qaraqalpaqstan Respublikası basqarması baslıǵı ashtı hám
elimizde mámleketlik xızmetler kórsetiw sapasın jaqsılaw, puqaralardıń artıqsha
áweregershilikleriniń aldın alıw hám byurokratiyalıq jaǵdaylarǵa jol qoymaw
boyınsha alıp barılıp atırǵan jumıslarǵa toqtalıp ótti.
Qaraqalpaqstan Respublikasında Mámleketlik xızmetler
orayları tárepinen xalqımızǵa hám isbilermenlik subektlerine 2 mln. 600 mıńnan
aslam mámleketlik xızmetler kórsetildi (bul kórsetkish 2018-jılda 365 866,
2019-jılda 890 316, 2020-jılda 820 464 ti quraydı).
2021-jıldıń I yarım jıllıǵı dawamında 576 mıńnan aslam
mámleketlik xızmetler kórsetilip, bul kórsetkish ótken jıldıń usı dáwiri menen
salıstırǵanda 66 payızǵa óskenligin kórsetedi (ótken jıldıń usı dáwirinde 381
704).
Sonday-aq, 7302 isbilermenlik subektleri
mámleketlik dizimnen ótkerildi. (ótken jıldıń usı dáwirinde 6498).
Sonı da aytıp ótiw tiyis, xalıqqa jánede
qolaylık jaratıw maqsetinde alıs jerlerge shıǵıw arqalı “Mobil mámleketlik
xızmetler” jolǵa qoyıldı,
2021-jıl 6 ayı dawamında Respublika boyınsha jámi 39 mıńnan aslam kóshpeli xızmetler kórsetildi.
Sonıń menen birge Ózbekstan Respublikası
Prezidentiniń 2020-jıl 31-yanvar kúngi
PF-5930-sanlı pármanı orınlanıwın támiyinlew maqsetinde 2020-jıldıń sentyabr
ayında Tórtkúl rayonında “Janbasqala” APJ, Ellikqala rayonı “Sarabiy” APJ,
Beruniy rayonı “Abay” APJ hám Moynaq rayonı “Qazaqdárya” APJ aymaqlarında,
2021-jıl aprel ayında Shomanay rayonı “Qarabaylı” MPJ aymaǵında Mámleketlik xızmetler oraylarınıń
filialları shólkemlestirildi.
Qońırat rayonında
“Jaslıq” PPJ hám “Qaraqalpaqstan” PPJ shaqapshaları Mámleketlik xızmetler
oraylarınıń filialları tárepinen de xalqımızǵa xızmetler kórsetilmekte.
Filiallar tárepinen búgingi kúnge shekem 18 000 nan
aslam mámleketlik xızmetler kórsetildi.
Búgingi kúnge
shekem 9 rayon aymaǵında (Ámiwdárya, Beruniy, Moynaq, Shımbay, Qanlıkól,
Qońırat, Taxtakópir, Bozataw, Shomanay) mámleketlik xızmetler oraylarınıń jańa
zamanagóy imaratları qurılıp paydalanıwǵa tapsırılǵan. Tórtkúl, Taqıyatas hám
Qaraózek rayonları imaratları qurılıs jumısları baslanıp, usı jıldıń aqırına
shekem paydalanıwǵa tapsırılıwı rejelestirilgen.
Agentliktiń
basqarması tárepinen mámleketlik xızmetler kórsetiwshi mámleketlik organlar
tárepinen bir qansha nızambuzıwshılıq jaǵdayları anıqlanǵan.
Atap aytqanda, 2021 jıl 6 ayı dawamında 1 326 nızambuzıwshılıq jaǵdayları anıqlandı. Bul nızambuzıwshılıq jaǵdayları boyınsha mámleketlik xızmet kórsetiwshi wákillikli organlarǵa 9 usınıs, 100 eskertiwler kigizilip, wákillikli organlardıń 69 lawazımlı hám juwapker xızmetkerleri hákimshilik juwapkershilikke, 8 shaxs intizamiy juwapkershilikke tartılǵan.
2021
- jıl 6 ayı dawamında PHAJ organları tárepinen jámi 16813 tuwılǵanlıq haqqında
akt jazıwları dizimge alınǵan, atalıqtı belgilew 1816, perzentlikke alıw 283
akt jazıwıları dizimge alınǵan. Sonıń menen birge 7843 neke hám 701 nekeden
ajırasıw jaǵdayları, 4211 ólim haqqındaǵı akt jazıwları dizimge alındı.
Mámleketlik xızmetler kórsetiw tarawında
xızmetkerler menen profilaktikalıq
ilajlardıń alıp barılıwına ayırıqsha itibar qaratıldı.
Atap aytqanda, 41 «sırlı klient» hám reyd
ilajları ótkerildi. Ilajlar dawamında
miynet hám orınlaw intizamı hámde mámleketlik xızmetler kórsetiw tártibin
buzǵanlıǵı ushın oray xızmetkerlerine 4 “sógis”, 1 “járiyma” intizamiy jaza
sharaları qollanıldı.
Bunnan tısqarı, tarawda
islep atırǵan xızmetkerlerdiń miynet hám orınlaw intizamın bekkemlew maqsetinde
178 den aslam profilaktikalıq sáwbetler ótkerildi.
Konferenciyada tarawda
engizilip atırǵan jańalıqlarǵa toqtalıp ótildi. Atap aytqanda, mámleketlik
xızmetler kórsetiwde “Agentler” iskerligi, olarǵa qoyılǵan talaplar, bir neshe
túrdegi mámleketlik xızmetlerdi kórestiw imkaniyatları haqqında maǵlıwmatlar
berildi.
Mámleketlik xızmetler agentligi Qaraqalpaqstan Respublikası
basqarması