baspaǵa shıǵarıw
Nókis arnawlı medicina kompleksinde puqaralarǵa sonday
sharayatlar jaratılǵan, onda barlıq túrdegi medicinalıq járdemlerdi kórsetiw
imkaniyatına iye.
Bunıń ayqın mısalı retinde, búgin tańǵı saat 04:00 te
quwanıshlı waqıya júz berdi. Nókis arnawlı medicina kompleksinde emlenip
atırǵan hámiledar hayal aman-esen óz perzentin dúnyaǵa keltirdi. Shıpakerler
ana hám balanıń densawlıǵı jaqsı ekenligin aytpaqta, jańa tuwılǵan náresteniń
boyı 51 sm, salmaǵı 3,5 kg.dı quraydı. Házir olar tájiriybeli shıpakerler
qadaǵalawı astında.
Álbette, hárbir hámiledar hayal koronavirus infekciyası onı
da shetlep ótpegenin bilgennen keyin, birinshi gezekte, ózi emes, al tuwılajaq
perzenti haqqında qayǵıradı. Bilimli hám pidayı medicina xızmetkerleriniń
miyneti nátiyjesinde, búginligi aman-esen óz perzentin bawırına basqan bul ana
ózin eń baxıtlı insan dep esaplap atırǵan bolsa kerek.
QR DSM Málimleme xızmeti