08.12.2024
Awıl xojalıǵı
docx formatta júklep alıw (315,2 kb)
pdf formatta júklep alıw (879,8 kb)
baspaǵa shıǵarıw
baspaǵa shıǵarıw
Usı jıldıń 2-iyul kúni Qanlıkɵl rayonı "Jańa qala" awıl puqaralar jıyınında jaylasqan "Genjebek" fermer xojalıǵında suwdı únemlewshi texnologiyalardıń abzallıqları, tákirariy egilgen eginlerdi suwǵarıwdı shɵlkemlestiriw boyınsha kɵrgizbeli seminar bolıp ɵtti.
Seminarǵa Ózbekstan Respublikası Suw xojalıǵı ministri Sh.Xamraev, Qaraqalpaqstan Respublikası Suw xojalıǵı ministri J.Uzaqov, rayon hákimi A.Ibragimov, hákim orınbasarları, sektor baslıqları, suw xojalıǵı bɵliminen tiyisli wákiller, sonday-aq, klaster shɵlkemi hám fermer xojalıqları baslıqları qatnastı.
Seminar barısında, rayonda iskerlik alıp barıp atırǵan fermer xojalıqlarına suwdan únemli tárizde paydalanıwdıń metodları, abzallıqları boyınsha keńnen túsinikler berildi. Usı sheńberde, fermerler suwdı únemlew boyınsha óz tájiriybelerin bildirip, pikir hám usınısların keltirip ótti.
Qanlıkól rayonı hákimligi Málimleme xızmeti