Qaraqalpaqstan Respublikası Ministrler Keńesi

Búgin Nókis rayonı “Qutankól” mákan puqaralar jıyını aymaǵındaǵı “Ata jurt” fermer xojalıǵınıń bosaǵan ǵálle maydanında kórgizbeli seminar bolıp ótti. Oǵan Qaraqalpaqstan Respublikası Ministrler Keńesi baslıǵı Q.Sariev, Qaraqalpaqstan Respublikası awıl xojalıǵı ministrliginen juwapker qánigeler qatnastı. 

 Prezident Shavkat Mirziyoevtiń basshılıǵında 8-iyun kúni awıl xojalıǵın hám isbilermenlikti rawajlandırıw arqalı xalıqtıń bántligin támiyinlew jáne azıq-awqat ónimleriniń kólemin arttırıw máseleleri boyınsha videoselektor májilisi ótkerilgen edi. Usı májiliste Húrmetli Prezidentimiz “jerdi haqıyqıy iyesine – xalıqqa beremiz. Hákimler, sektor basshıları qaysı paxta hám ǵálle maydanın qısqartıwdı anıqlap, olardı jumıssız xalıqqa beriwi zárúr. Bergende de, paydalı etip, ádil túrde ajıratıw kerek. Bul júz mıńlaǵan adamlarımızdı jumıs penen, dáramat penen támiyinleydi”,-dep atap ótken edi.Usı tiykarda Prezident tapsırmasına muwapıq, rayonda ǵálleden bosaǵan 4225 gektar jer maydanları kem tamiynlengen “Temir dápter”, “Jaslar dápteri”, “Hayallar dápteri”ne kirgizilgen jumıssız puqaralarǵa berip, olarǵa rayon 4 sektor basshıları jaqınnan járdem beriwi arqalı  geshir, juweri, mákke, gúnji  egiw názerde tutilǵan.

Nókis rayonı hákimliginiń málimleme xızmeti