baspaǵa shıǵarıw
«O’zgidromet»tiń baslaması
menen Qaraqalpaqstan Respublikası Shımbay rayonı meteostanciyasına atmosfera
hawasınan ishimlik suwın islep shıǵarıw
«atmosfera suw generatorı» (Airaqua - 7-ta tazalaw filtrinen ibarat)
qurılması tájiriybe (sınaq) túrinde
iske túsirildi.
"O'zsuvtaminot" AJniń málimleme xızmeti tárepinen berilgen xabarda, bul qurılma ishimlik suwı jetip barmaǵan hám jetkerip beriw ekonomikalıq jaqtan qımbatqa túsetuǵın aymaqlarǵa maslastırılǵan.
Bul innovaciyalıq texnologiya sınaq túrinde jolǵa qoyıldı
hám onnan alınıp atırǵan statistikalıq maǵlıwmatlardan paydalanǵan halda
respublikamızdaǵı basqa meteostanciyalarǵa ornatıw rejelestirilmekte.
Atmosfera hawası ıǵallıqlardıń úlken rezervuarı
ekenligi esapqa alınsa, atmosfera suw
generatorın ornatıw atmosfera suwın islep shıǵarıwshı dúnyadaǵı eń nátiyjeli
qurılma desek boladı.
Sonıda ayrıqsha atap ótiw kerek, qurılma distillengen
suwdan da tazaraq suw alıw imkaniyatın jaratadı. Qurılma atmosfera hawası
ıǵallıǵına hám temperaturaǵa qarap kúnine shama menen 12 litrden 30 litrge
shekem ishimlik suwın jetkerip beriw imkaniyatın jaratadı.
Kóp quwatlılıq (1 kVt) talap etpeytuǵınlıǵı, ıqsham,
ekologiyalıq taza, paydalanıwda texnikalıq jaqtan insan ómirine qáwipsiz
ekenligi onıń qolaylı táreplerinen biri esaplanadı.
Awdarma: QMU Qaraqalpaq filologiyası hám jurnalistika
fakulteti, Málimleme xızmeti qánigeliginiń 1-kurs studenti
Ibraimova Dilfuza