baspaǵa shıǵarıw
1-iyun – Xalıqaralıq balalardı qorǵaw kúni múnásibeti menen Xojeli rayonındaǵı 1-sanlı Mexriybanlıq úyinde bayram ilajı bolıp ótti. Ilajda Qaraqalpaqstan Respublikası Ministrler Keńesiniń Baslıǵı Q.Sariev, Ózbekstan Respublikası Prezidentiniń Qaraqalpaqstan Respublikasındaǵı Xalıq qabıllawxanası baslıǵı S.Xudaybergenov, Qaraqalpaqstan Respublikası Xalıq bilimlendiriw ministri R.Reymov, Xojeli rayonı hákimi J.Ermashevlar balalardı bayram menen qutlıqlap, sawǵalar tapsırdı.
Ilaj dawamında Mexriybanlıq úyi tárbiyalanıwshıları tárepinen tayarlanǵan koncert baǵdarlaması qoyıp berildi.
Xojeli rayonındaǵı mehriybanlıq úyi pitkeriwshileriniń basım kópshiligi joqarı oqıw orınlarına kiriw baxtına eristi. Sonıń menen birge xalıqaralıq bir neshe tańlawlarda joqarı nátiyjelerge erisip kelmekte. Bul álbette mámleketimiz tárepinen qaratılıp atırǵan itibar hám ǵamxorlıqtıń miywası deseke asıra aytqan bolmaymız.
