22.12.2024
docx formatta júklep alıw (315,2 kb)
pdf formatta júklep alıw (879,8 kb)
baspaǵa shıǵarıw
baspaǵa shıǵarıw
Ózbekstan Respublikası Prezidenti Ullı Mártebeli Mırza Shavkat Mirziyoevqa
Húrmetli Prezident mırza, áziz dostım!
Tamırı uzaq ásirlerge barıp taqalatuǵın birdey dástúrlerimizden bolǵan, báhár hám jańa baslanıw súyinshisin alıp keliwshi, tuwısqanlıq, tınıshlıq, birlik hám tilekleslik tımsalı bolǵan Nawrız bayramı múnásibeti menen Siz Ullı Mártebeli Mırzanı hám dos, tuwısqan Ózbekstan xalqın túrk xalqınıń hám jeke ózimniń atımnan shın kewilden qutlıqlayman.
Tábiyattıń oyanıwı arqalı kewillerde óz-ara túsinisiwdi, pikirlesiwdi, tilekleslikti bekkemlewshi Nawrız bayramı hár jılı bolǵanı sıyaqlı bıyıl da Balqanlardan baslap Orta Shıǵısǵa shekem, Anadolıdan Oraylıq Aziyaǵa shekemgi keń qamtılǵan regionda quwanıshlı túrde belgilenedi.
SOVID-19 pandemiyası menen baylanıslı usı qıyın dáwirde Nawrız bayramı tek ǵana ellerimiz hám regionımızǵa emes, al pútkil dúnyaǵa sawlıq-salamatlıq, tınıshlıq alıp keliwin tileymen.
Pursattan paydalanıp, Siz, Ullı Mártebeli Mırzaǵa densawlıq, baxıt hám tabıs, dos hám tuwısqan Ózbekstan xalqına abadanlıq hám amanlıq tilep qalaman.
Rejep Tayyip Erdoǵan,
Túrkiya Respublikası Prezidenti