Qaraqalpaqstan Respublikası Ministrler Keńesi

Mexriybanlıq úyi tárbiyalanıwshıları, ata-anasınıń qarawısız qalǵan balalar, ata-anaları Watanımız shegaraların qorǵawda qurban bolǵan 3-15 jastaǵı balalar, jáne de sociallıq qorǵawǵa mútáj bolǵan shańaraqlardıń perzentleri ushın 11 000 dana “Prezident sawǵası” tayarlanıp aymaqlarǵa jiberilmekte.

“Prezident sawǵası” quramına 20 túrdegi mazalı ónimler, 3 túrdegi oqıw quralları hám 2 túrdegi buyımlar kirgizilgen.

“Prezident sawǵası” Qaraqalpaqstan Respublikası, Xorezm wálayatına “Uzbekistan Airways” AJ samolyotları arqalı hám qalǵan wálayatlarǵa transport arqalı jetkeriledi.

Ɵzbekstan Respublikası Prezidenti atınan tayarlanǵan sawǵalar usı jıldıń 29-30 dekabr kúnleri jetkerip beriledi.

Awdarma: QR Ministrler Keńesi Málimleme xızmeti