22.12.2024
docx formatta júklep alıw (315,2 kb)
pdf formatta júklep alıw (879,8 kb)
baspaǵa shıǵarıw
baspaǵa shıǵarıw
Dáslepki boljawlarǵa qaraǵanda, bıyılǵı dekabrdiń temperaturalıq kórsetkishleri ortasha kóp jıllıq normalarǵa jaqın bolıwı kútilmekte. Bul haqqında «Ózgidromet» xabar berdi.
Ay dawamında Ózbekstan kóleminde temperaturanıń túnde 0-5 gradus suwıqtan 2-7 gradus jıllıǵa shekem, kúndiz 0-5 gradus jıllıdan 10-15 gradus jıllıǵa shekem ózgerip turıwı kútilmekte. Qaraqalpaqstan aymaǵında túnde 8-10 gradus suwıq bolıwı múmkin. Aydıń ekinshi yarımında bolsa 12-15 gradus suwıq bolıwı kútiledi.
Dekabrde jawın-shashın jawın yamasa qar kórinisinde boladı. Ózbekstan boyınsha jawın-shashınlı kúnler ortasha 5 kúnnen 13 kúnge shekem bolıwı múmkin. Bir sutkada maksimal jawın-shashın muǵdarı sutkalıq normadan bir qansha kóp bolıwı múmkin. Qaraqalpaqstanda sutkalıq jawın-shashın muǵdarı normadan bir qansha tómen bolıwı kútilmekte. Jawın-shashın ay dawamında waqtı-waqtı menen baqlanadı.
Qaraqalpaqstan xabar agentligi.