22.12.2024
docx formatta júklep alıw (315,2 kb)
pdf formatta júklep alıw (879,8 kb)
baspaǵa shıǵarıw
baspaǵa shıǵarıw
Kegeyli rayonındaǵı Mádeniyat orayında qaraqalpaq tiline mámleketlik til biyligi berilgenine 31 jıl tolıwı múnásibeti menen bayram keshesi bolıp ótti. Keshege Ózbekstan Respublikası Oliy Majlisi Senatı aǵzası Maxmud Parpiev, Qaraqalpaqstan Respublikası Joqarǵı Keńesi Komiteti baslıǵı Dawıtbay Qurbaniyazov, Qaraqalpaqstan Respublikası Xalıq bilimlendiriw ministirliginen Amangúl Tilewniyazovalar qatnasıp, Ana-tilimizdiń qutlı sánesi menen qızǵın qutlıqlap ótti.
Usı múnásibet penen bir qatar bilimlendiriw taraw wákilleri, sonday-aq, medicina xızmetkerleri bahalı sawǵalar hám húrmet jarlıqları menen sıylıqlandı. Sonday-aq, Ózbekstan «Milliy tiklanish» demokratiyalıq partiyası Kegeyli rayonlıq Keńesi hám rayon hákimligi tárepinen shólkemlestirilgen «Tıńlaǵan háyyiwim-qaraqalpaqsha» atamısındaǵı onlayn tárizinde ótkerilgen tańlawdıń jeńimpazlarına bahalı sawǵalar hám diplomlar tapsırıldı.Bayram keshesi yoshlı koncert baǵdarlamaları menen dawam etti.
Kegeyli rayonı xákimligi Málimleme xızmeti