Qaraqalpaqstan Respublikası Ministrler Keńesi

Moynaq rayonı orayındaǵı "Shayırlar alleyasında” qaraqalpaq tiline mámleketlik til biyligi berilgenine 31 jıl tolıwı múnásibeti menen «Til jasasa millet jasaydı» atamasında ádebiy keshe hám qaraqalpaq tiliniń rawajlanıwında ornı teńsiz bolǵan Kúnxoja, Ájiniyaz, Berdaq babalarımızdıń esteliklerine gúl qoyıw máresimi bolıp ótti.

Ilajda Rayon hákiminiń ruwxıy-aǵartıwshılıq jumıslar nátiyjeligin arttırıw, mámleketlik til haqqındaǵı nızam hújjetlerine ámel etiliwin támiyinlew máseleleri boyınsha másláhátshisi S.Karimbaev, Respublika ruwxıy hám aǵartıwshılıq orayı Moynaq rayonı bólimi baslıǵı G.Toqsanbaeva, Ózbekstan Ekologiyalıq partiyası rayonlıq keńesi baslıǵı R.Baymanova, Ózbekstan Xalıq demokratiyalıq partiyası rayonlıq keńesi baslıǵı K.Nasırova, Moynaq rayonı máhalle hám  shańaraqtı qollap quwatlaw bólimi baslıǵınıń hayal-qızlar máselesi boyınsha orınbasarı B.Jamalova sózge shıǵıp, jıynalǵanlardı bayram menen qızǵın qutlıqladı. Sonday-aq, mektep oqıwshıları qaraqalpaq shayırlarınıń dóretpelerinen qosıqlar oqıdı.

Atap ótilgenindey, til xalıqtıń tariyxın, mádeniy miyrasın, úrp-ádet hám dástúrlerin ózinde jámlegen biybaha baylıq, millettiń tiykarǵı belgisi esaplanadı. 

Moynaq rayonı hákimligi Málimleme xızmeti

i