Qaraqalpaqstan Respublikası Ministrler Keńesi

04.12.2024 docx formatta júklep alıw (315,2 kb) pdf formatta júklep alıw (879,8 kb) baspaǵa shıǵarıw

 Ellikqala rayonında 10740, 0 gektar jer maydang‘a paxta egilip, 25, 8 mıń tonna paxta ónim alıw múmkinshiligi bar. Búgingi kúnde rayonda jumıs alıp barıp atırg‘an "Bostan klaster" JSHJ paxta - toqımashılıq klasteri negizinde  "Bostan mega tekstil" JSHJ,  "Bostan optimal tekstil" JSHJ hám "Ellmed" JSHJ lar shólkemlestirilgen.

"Bostan mega tekstil" JSHJ tárepinen 5000 tonna iyirilgen jip hám

 10000 pgm jensi gezlemesin islep shıģarıw joybarı iske túsirildi. Búgingi kúnde kárxanada 400 jańa jumıs ornı jaratıldı.

"Bostan optimal tekstil" JSHJ tárepinen usı jılda 73, 4 mlrd sum mug’darindag’i iyirilgen jip,  hám súlgi islep shıģarıwdı shólkemlestiriw joybarı ámelge asırıldı. Bunıń nátiyjesinde 100 den aslam jumıs ornı jaratıldı hám qosımsha 200 jańa jumıs ornın sho’lkemlestiriw rejelestirilgen.

Estoniyalı investorlar menen sheriklikte "Ellmed" qospa kárxanası shólkemlestirilip ulıwma bahası 2, 5 mln AQSH dollar bolg‘an "medicina binti hám paxta mamıģın islep shıģarıw joybarı 2021-jılda iske túsiriliwi rejelestirilgen. Usı joybar negizinde 200 jańa jumıs ornı jaratıladı.

QR Ministrler Keńesi Málimleme xızmeti