baspaǵa shıǵarıw
Ózbekstan Respublikası Prezidentiniń 2021-jıl 5-noyabr
kúngi “Júriw, juwırıw, mini futbol, badminton, stritbol hám workout” sport
túrlerin jánede rawajlandırıw is-ilajları haqqında”ǵı PQ-5282-sanlı qararınıń
4,5-bántinde Jaslar siyasatı hám sport ministrligi, Ózbekstan Milliy olimpiada
komiteti, Ózbekstan jeńil atletika federaciyası, Ózbekstan futbol
assoсiaciyası, Ózbekstan badminton federaciyası, Ózbekstan basketbol
federasiyası basshılarına hámde Qaraqalpaqstan Respublikası Ministrler Keńesi,
wálayatlar hám Tashkent qala hákimlikleri intalı jaslardı anıqlaw, tańlap alıw
(selekciya)dıń 3 basqıshlı sistemasın tiyisli aymaqlarda tolıq engiziw hám
jarıslar nátiyjeleri tiykarında sport bilimlendiriw orınların intalı
sportshılar menen toltırıp barıw boyınsha tikkeley juwapker etip belgilengen
edi.
Qaraqalpaqstan Respublikası Jaslar siyasatı hám sport
ministrligi tárepinen bántte kórsetilgen tapsırmalardıń orınlanıwı boyınsha
birqansha jumıslar ámelge asırılmaqta.
Atap aytqanda, Respublikamızdıń barlıq rayon (qala
)larında 3 basqıshlı sport jarısları úzliksiz túrde ótkerilip, onıń
nátiyjesinde ótkerilgen jarıslarda joqarı nátiyje kórsetken jaslardı sport
mekteplerine qamtıp alıw dárejesi 4163 ke jetti. Sonnan, jeńil atletika
boyınsha 501, futbol boyınsha 1936, mini futbol boyınsha 34, badminton boyınsha
438, basketbol boyınsha 1143 jaslar qamtıp alındı.
Sporttıń baslı
túrleri boyınsha sport federaciyaları hám assoсiaciyaları menen birgelikte
tańlap alıw (selekciya) qılıw jumısları alıp barılmaqta.