Qaraqalpaqstan Respublikası Ministrler Keńesi

“Bes baslama olimpiadaˮsı ekinshi máwsimi sheńberinde er balalar hám qızlar arasında sporttıń «Voleybol» turinen «Ishki isler kubogı» Qaraqalpaqstan Respublikası basqıshı qızǵın bellesiwler óz juwmaǵına jetti. 

Jarıs juwmaǵında er balalardıń 16-21jas aralıǵında dúzilgen komandalar arasında Moynaq rayonına kelgen komandalar birinshilikti qoldan bermey jeńiske eristi. Qaraózek rayonı ekinshi orın, al SHımbay rayonı komandası bolsa úshinshi orındı iyeledi. Usı jas aralıǵında qızlar arasında Taxıyatas rayonınan kelgen komanda aǵzaları birinshi orındı iyeledi. Moynaq rayonınan kelgen komanda ekinshi orin, Ellikqala rayonı komandası bolsa sıylı úshinshi orındı iyeledi.  

Al, 22-26-jas aralıǵında er balalar ibarat komandalar arasında bolsa Shomanay rayonı birinshi orındı iyelep, jeńimpazlıqtı qolǵa kirgizdi. Ellikqala rayonınan kelgen komanda aǵzaları ekinshi orındı iyeledi. Al, Qaraózek rayonınan kelgen komanda bolsa sıylı úshinshi orındı iyeledi. 

Qızlarımız arasında bolsa Tórtkúl rayonınan kelgen komanda aǵzaları basqa qarsılaslarınan ústin kelip jeńimpazlıqtı qolǵa kirgizdi. Ellikqala rayonınan kelgen qızlar komandası bolsa ekinshi orındı iyeledı. Al, Moynaq rayonı komandası bolsa sıylı úshinshi orındı iyeledi.