baspaǵa shıǵarıw
Ózbekstan
Sawda-sanaat palatasınıń Qaraqalpaqstan Respublikası basqarması hám Global ósiw
institutı (Global Green Growth Institute) ortasında Aralboyı regionın
rawajlandırıw boyınsha memorandum imzalandı.
Ilajda
Global ósiw institutınıń mámleketimizdegi wákili Aaron Rassel, Ózbekstan
Sawda-sanaat palatasınıń Qaraqalpaqstan Respublikası basqarması baslıǵı
X.Qaypnazarov, Qaraqalpaqstan Respublikası Ministrler Keńesiniń sekretariatı
baslıǵı M.Nurmanov, Instituttıń jetekshi qániygesi A.Tilewmuratov, Basqarmanıń
rayon bólimleri baslıqları qatnastı.
Ushırasıw
qatnasıwshıları Qaraqalpaqstan Respublikasınıń alıs awıllarında kishi biznes
hám fermerlikti rawajlandırıw, ekologiyalıq taza ónimlerdi jetilistiriw
baǵdarında birge islesiw boyınsha pikir-usınısların bildirdi.
Ilajda Ózbekstan Sawda-sanaat palatasınıń Qaraqalpaqstan
Respublikası basqarması hám Global ósiw institutları óz-ara birge islesiw
boyınsha memorandum imzaladı hám aldaǵı rejeler belgilep alındı.
