baspaǵa shıǵarıw
Haqıyqatında da búgin
qaysı bir aymaqqa názer taslamayıq, ol
jerde qızǵın jumıslar júrgizilmekte. Usı orında elektr tarmaqları boyınsha alıp
barılıp atırǵan jumıslardı da ayrıqsha aytıp ótiw orınlı. Olar hár bir
shańaraqta jaqtılıqtıń úziliksiz támiyinleniwi ushın háreket etip atır.
Mine usı háreketlerdiń
úziliske túsip qalmawı ushın «Aymaqlıq elektr tarmaqları» AJ administraciyası
tárepinen qurılıs-remontlaw jumısları ushın kerekli úskeneler Tashkent qalasınan
jetkerip berilmekte. Gezektegi jetip kelgen materiallar aymaqlarǵa jaqtılıq
baǵıshlawı ushın xızmet etedi.
Ózbekstan Respublikası
Prezidentiniń usı jıldıń mart ayında «Abat awıl» hám «Abat máhálle»
baǵdarlamaları boyınsha qabıl etilgen qararı tiykarında 33 mákan puqaralar
jıyınlarına 72, 1 kilometr elektr uzatıw tarmaqları, 11 dana transformator punktleri hám 3717 dana
jańadan temir-beton baǵanaları ornatıldı.
Sonday-aq, iyul ayındaǵı qosımsha úyreniwler barısında
paytaxtımızdaǵı 8 mákan puqaralar jıyınlarındaǵı xalıqtıń jasaw sharayatların
jaqsılaw menen baylanıslı isleniwi zárúr wazıypalar belgilenip, búgingi kúni jumıslar mánzilli alıp
barılmaqta. Onda elektr
energiyası támiynatı menen baylanıslı máseleler de orın alǵan.
Usı kúnge
deyin «Ámiwdárya», «Qumbız awıl», «Jayxun»,
«Juwazshı», «Jolshılar», «Anasay» «Jańazabar» hám “Uzınkól” mákan
puqaralar jıyınlarında elektr tarmaqların jaqsılaw maqsetinde 21, 6 km elektr
uzatıw tarmaqları jańadan tartılıp, 2
dana jańa transformator punktleri ornatıldı hám 637 dana temir-beton baǵanaları
tiklendi, bul baǵdardaǵı jumıslar elede
dawam etpekte.
Aymaqlardaǵı
jumıslar «Aymaqlıq elektr tarmaqları» AJ administraciyası tárepinen qadaǵalawǵa
alınıp, qurılıs-remontlaw jumısları
ushın kerekli úskeneler Tashkent qalasınan jetkerip berilmekte.
Bar bolǵan
mashqalalardi saplastırıw ushın búgingi kúnde 11 brigada biriktirilgen hám
zárúr texnikalar menen támiyinlengen.
«Qaraqalpaq
AETK» AJ málimleme xızmeti