21.12.2024
Bilimlendiriw
docx formatta júklep alıw (315,2 kb)
pdf formatta júklep alıw (879,8 kb)
baspaǵa shıǵarıw
baspaǵa shıǵarıw
Ózbekstan Respublikası Prezidentiniń tapsırması menen Qaraqalpaq mámleketlik universitetiniń Shımbay fakulteti shólkemlestirilmekte. Ózbekstan Respublikası Joqarı hám orta arnawlı bilimlendiriw ministrligi tárepinen 2022-jıl 28-fevral kúngi tastıyıqlanǵan «Qızılózek» awıl xojalıǵı kásip-óner kolledji negizinde Berdaq atındaǵı Qaraqalpaq mámleketlik universitetiniń «Shımbay fakulteti» shólkemlestirildi.
Sonday-aq, Ózbekstan Respublikası Mámleketlik joqarı bilimlendiriw shólkemlerine oqıwǵa qabıl etiw processin muwapıqlastırıw boyınsha Mámleketlik komissiyasınıń 2022-jıl 4-iyul kúngi 1-sanlı májilis bayanlaması menen Qaraqalpaq mámleketlik universitetiniń Shımbay fakultetine 2022/2023-oqıw jılı ushın óz aldına kvota ajıratıldı.
Bunda jámi 95 orın bolıp, sonnan 20 grant, 75 tólemli shártnama tiykarında oqıwǵa qabıl etiledi. Fakultette 2022/2023-oqıw jılında Psixologiya: ámeliy psixologiya, Shet tili hám ádebiyatı: inglis tili, Matematika, Filologiya hám tillerdi oqıtıw: qaraqalpaq tili bakalavr tálim baǵdarları boyınsha joqarı maǵlıwmatlı kadrlar tayarlanadı.
Házirgi waqıtta rayonda jańa oqıw jılına tayarlıq jumısları alıp barılmaqta.
Shımbay rayonı hákimligi Málimleme xızmeti