baspaǵa shıǵarıw
Mámleketimiz
basshısı tárepinen «Xalıqtı
dizimge alıw tuwrısında»ǵı Ózbekstan Respublikasınıń Nızamı tastiyqlanǵan.
Bul Nızam xalıqtı dizimge alıw salasındaǵı munasábetlerdi hár tárepleme tártipke
salıwshı dáslepki qabıl etilgen huqıqıy
hújjet retinde Ózbekstan tariyxınan orın aldı. Sebebi usı waqıtqa shekem bul tarawda
nızamshılıǵımızda hesh qanday hújjet joq edi. Nızam Ózbekstan Respublikası Prezidentiniń
2019 jıl 5 fevral daǵı «Ózbekstan Respublikasında
xalıqtı dizimge alıwdı ótkeriw Konceptsiyasın tastıyıqlaw tuwrısında»ǵı Pármanına muwapıq islep shıǵıldı.
Nızamdı islep shıǵıwda BMSh hám Evropa statistleri konferenciyasınıń xalıqtı dizimge alıwdı ótkeriw boyınsha tiykarǵı
principlerı hám usınıslarınan tiykar retinde paydalanıldı. Nızam bes bap hám otız
bir statiyadan ibarat bolıp, onda Nızamnıń
maqseti, tiykarǵı túsinikler, xalıqtı dizimge alıwdıń wazıypaları hám principleri kórsetip berilgen. Tiykarǵı principlerden
biri, xalıqtı dizimge alıw on jılda keminde bir ret ótkeriliwi hámde xalıqtı dizimge
alıwdı ótkeriw tuwrısındaǵı qarar Ózbekstan Respublikası Prezidenti tárepinen qabıl
etiliwi belgilep qoyılǵan. Proceste shaxsqa tiyisli maǵlıwmatlar Ministrler Kabineti
tárepinen tastıyıqlanatuǵın dizimge aliw blankalari tiykarında dizimge alıwshı shaxslar
tárepinen úyme-úy júrip, hár
bir respondent ushın bólek toldırıladı.
Qaraqalpaqstan Respublikası
statistika basqarması
Dizimge alıw jumısların
shólkemlestiriw hám ótkeriw bólimi