baspaǵa shıǵarıw
Qaraqalpaqstan Respublikasınıń Nókis qalası hám rayonlarda 2022-jıl ushın isbilermenlik hám qalasazlıq iskerligin ámelge asırıw maqsetinde awıl xojalıǵına qaratılmaǵan jer uchastkasın ijaraǵa aliw huqıqınıǹ eń kem muǵdarların tastıyıqlaw haqqında
Qaraqalpaqstan
Respublikası Ministrler Keńesiniń qararı
Ózbekstan Respublikası Ministrler Kabinetiniń 2022-jıl 14-fevraldaǵı «Awıl xojalıǵına qaratılmaǵan jer uchastkaların menshiklestiriw tuwrısında»gi Ózbekstan Respublikası Nızamın ámelge asırıw ilajları haqqında»ǵı PQ-71-sanlı qararı menen tastıyıqlanǵan isbilermenlik hám qalasazlik iskerligin ámelge asırıw ushın jer uchastkaların múlk huqıqı hám ijara huqıqı tiykarında elektron onlayn-aukcion arqalı beriw tártibi haqqındaǵı Nızamniǹ 25-bánti talapların orınlaw maqsetinde, sonday-aq, «Qaraqalpaqstan Respublikası Ministrler Keńesi haqqında»ǵı Nızamınıń 25-statyasına tiykarlanıp Qaraqalpaqstan Respublikası Ministrler Keńesi qarar etedi:
1. Mámleketlik salıq basqarması tárepinen usınıs etilgen Qaraqalpaqstan
Respublikasınıń Nókis qalası hám rayonlarda 2022-jıl ushın isbilermenlik hám
qalasazlıq iskerligin ámelge asırıw maqsetinde awıl xojalıǵına qaratılmaǵan bos
turǵan jer uchastkaların elektron onlayn-auktsion sawdaları arqalı ijara huqıqı
menen beriwdiń
eń kem muǵdarları qosımshaǵa muwapıq
tastıyıqlansın.
2. Nókis qalası
hám rayonlar hákimleri Qurılıs ministrligi, Kadastr agentliginiń Qaraqalpaqstan
Respublikası basqarması, Mámleketlik kadastrları palatasınıǹ Qaraqalpaqstan Respublikası
basqarması hámde tiyisli ministrlik, mákemeler menen birgelikte belgilengen tártipte
yuridikalıq hám fizikalıq shaxslarǵa isbilermenlik hám qalasazlıq iskerligin ámelge
asırıw ushın jer uchastkalardı ijara huqıqı menen beriw maqsetinde ekektron aukcion
sawdalarına shıǵarılıwın támiyinlesin.
Bunda, aymaqlarda
jer uchastkalardı ijara huqıqı menen beriwdiń eń kem muǵdarların belgilewde jer salıǵınıń jıllıq muǵdarı,
jer uchastkasın tańlaw materialların tayarlaw jumıslarınıń bahası hám jer uchastkasına
bolǵan huqıqlardı mámleket diziminen ótkeriwge tiyisli qárejetler, jer uchastkasınıń
jaylasqan ornı, injenerlik-kommunikaciya tarmaqlarına jalǵanǵanlıǵın inabatqa alsın.
3. Nókis qalası
hám rayonlar hákimleri:
elektron aukcion
sawdalarında satılǵan jer uchastkalarınan maqsetli hám nátiyjeli paydalanıwın turaqlı
monitorińgin alıp barsin hámde maqsetsiz paydalanıw jaǵdayları anıqlanǵan jaǵdayda
jer uchastkasın hákimlik rezervına alıw ilajların kóriw;
Mámleketlik salıq
basqarması, Kadastr agentliginiń Qaraqalpaqstan Respublikası basqarması, Mámleketlik
kadastrları palatası Qaraqalpaqstan Respublikası basqarması, Mámleket aktivlerin
basqarıw agentliginiǹ Qaraqalpaqstan Respublikası aymaqlıq basqarması menen
birgelikte aymaqlarda isbilermenlik hám qalasazlıq iskerligin ámelge asırıw maqsetinde
awıl xojalıǵına qaratılmaǵan bos jer uchastkaları hám ımarat (bina)lardıǹ belgilengen
eń kem muǵdarǵa qatań ámel etiliwin hámde jergilikli byudjetke pul túsimlerin waqıtında
hám tolıq túsiriliwin támiyinlesin.
4. Mámleketlik
salıq basqarması Nókis qalası hám rayonlar ushın jer uchastkalarınıǹ ijara huqıqı
ushın eń kem muǵdarları usı qarar tastıyıqlanǵan sáneden baslap eki kún múddette
«Yerelektron» avtomatlastırılǵan elektron sistemasına kirgizsin.
5. Qaraqalpaqstan
Respublikası Ministrler Keńesiniń Málimleme xızmeti, Mámleketlik salıq basqarması
hámde Kadastr agentliginiń Qaraqalpaqstan Respublikası basqarması, Qaraqalpaqstan
Respublikası Xabar hám ǵalaba kommunikaciyalar basqarması, Qaraqalpaqstan Respublikası
teleradiokompaniyası, «Erkin Qaraqalpaqstan» hám «Вести Каракалпакстана» gazetaları redakciyası menen birgelikte usı qarardı belgilengen
tártipte xalıq hám isbilermenler ortasında úgit násiyatlaw, maqalalardı baspadan
shıǵarıw hámde ǵalaba xabar quralları arqalı sáwlelendiriw usınıs etilsin.
6. Bul qarar rásmiy
daǵaza etilgen kúnnen baslap kúshke kiriwi belgilep qóyılsın.
7. Usı qarardıń
orınlanıwın nátiyjeli shólkemlestiriwge juwapker hám jeke juwapker etip Mámleketlik
salıq basqarması baslıǵı X.Bekchanov, Qurılis ministri J.Berdixanov, Kadastr agentliginiń
Qaraqalpaqstan Respublikası basqarması baslıǵı I.Tleuov belgilensin.
Qarardıǹ orınlanıwın talqılaw, atqarıw ushın juwapker shólkemler jumısın muwapıqlastırıw hám qadaǵalaw Qaraqalpaqstan Respublikası Ministrler Keńesi Baslıǵınıń birinshi orınbasarı N. Erlepesovqa júklensin.
Esletpe:
1. Ózbekstan Respublikası Prezidentiniń 2020-jıl 3-dekabrdegi «Resurs salıqları hám mal-múlk salıǵın ele de jetilistiriw haqqında»ǵı PF-6121-sanlı Pármanı hámde Salıq kodeksiniń 429-, 437-statyalarına tiykarlanıp, Qaraqalpaqstan Respublikası Joqarǵı Keńesi Prezidumınıń 2022-jıl 25-fevraldegi 605-sanlı hám xalıq deputatları rayon (qala)lıq Keńesiniń qararlarına tiykar yuridikalıq hám fizikalıq shaxslardıń shaxslardıń awıl xojalıǵına qaratılmaǵan jerlerine 2022-jıl ushın belgilengen jer salıǵı stavkasınan alınǵan.
2. Jaylasqan ornı boyınsha 1 gektar jer uchastka ushın bir jıllıq bazalıq salıq muǵdarınan kelip shıǵıp esaplansın.