Qaraqalpaqstan Respublikası Ministrler Keńesi

Elimizde xalıqtıń jasaw sharayatın jaqsılaw,  puqaralarǵa qolaylı imkaniyatlar jaratıw,  olardıń turmısınan kewilli jasawın támiyinlew menen birge mashqalaların hár tárepleme úyreniw hám onı nátiyjeli saplastırıw baslı máselege aylanǵan.

Búgin Ministrler Keńesiniń Baslıǵı gezektegi jeke qabıllawın ótkerdi. Onda hár qıylı mashqalalar menen kelgen puqaralardıń múrájatları juwapkerler qatnasında tıńlandı hám talqılandı.

Atap aytqanda bántlik, bilimlendiriw, kredit alıw hám kredit ajıratılıwında ushırasıp atırǵan mashqalalar boyınsha múrájatlar Ministrler Keńesi Baslıǵı tárepinen kórip shıǵıldı.

Bildirilgen múrájatlar boyınsha tiyisli taraw qánigelerinen maǵlıwmatlar alınıp,  hár tárepleme tallaw jasaldı hám unamlı sheshim qabıl etildi.