baspaǵa shıǵarıw
26 yanvar - Ózbekstan Respublikası Mámleketlik
bajıxana xızmeti uyımları xızmetkerleri kúni múnásibeti menen aymaqtaǵı huqıq
qorǵaw organları arasında shólkemlestirilgen mini-futbol boyınsha jarıs
juwmaqlandı.
Nókis qalasında jaylasqan Balalar hám óspirimler sport mektebinde ótkerilgen usı jarısta Qaraqalpaqstan Respublikası bajıxana basqarması baslıǵı kubogı ushın jámi 10 komanda kúsh sınastı.
Final basqıshına puqta tayarlıq penen jetip kelgen
Qaraqalpaqstan Respublikası Ishki isler ministrligi 2-sanlı tergew qamaqxanası
hám Qaraqalpaqstan Respublikası bajıxana basqarması komandaları óz-ara
bellesti.
Komandalar oyınnıń tiykarǵı waqtında 3:3 esap penen kúshleri teń kelgen bolsa, penaltiler seriyasında bajıxanashılar komandasınıń 4:5 esap penen qolı jeńip shıǵıp, sıylı 1-orındı iyeledi hám Qaraqalpaqstan Respublikası bajıxana basqarması baslıǵı kubogı iyesine aylandı.
Jarısta aktiv qatnasqan komandalar aǵzalarına húrmet jarlıqları, jeńimpaz komandalarǵa diplom hám qımbat bahalı sawǵalar tapsırıldı.