Búgin Bozataw rayonında Balalar óspirimler sport mektebine
qaraslı ulıwma bahası 2,5 mlrd swmlıq, 18×36 kólemdegi jabıq sport zal
paydalanıwǵa tapsırıldı.
Ashılıw máresiminde sózge shıqqanlar tárepinen, rayonda sportqa qaratılıp atırǵan joqara
itibardıń nátiyjesinde búgingi kúnde sport mektebiniń tárbiyalanıwshıları
tárepinen 2020-2021-jıl oqıw jılında Ózbekstan kóleminde ótkerilgen kubok hám
chempionat jarıslarında 80 medal, jáhánde ótkerilgen chempionatlarda 7 medal
qolǵa kirgizilgenligi maqtanısh penen tilge alındı.
Jańa sport zalda sportshılarımız sporttıń boks, shotakan
karate-do túrlerinen shuǵıllanıp, túrli sport inventarlarında sport
shınıǵıwların orınlaw imkaniyatına iye boladı.
Bul bolsa kelesheginen úlken úmit kúttirip atırǵan
jaslarımızǵa jańa jılda haqıyqıy bayram sawǵası boldı.
️Bozataw rayonı hákimliginiń
Málimleme xızmeti
baspaǵa shıǵarıw
