baspaǵa shıǵarıw
Usı jıl 7-dekabr kúni Berdaq atındaǵı Qaraqalpaq mámleketlik akademiyalıq muzıkalı teatrında Ózbekstan Respublikası Konstituciyası qabıl etilgeniniń 29 jıllıǵına baǵıshlanǵan saltanatlı májilis bolıp ótti.
Ilajǵa
Ózbekstan Respublikası Oliy Majlisi Senatınıń aǵzaları, Joqarǵı Keńestiń
deputatları, húkimet aǵzaları, ministrlikler, mákeme hám kárxanalardıń, oqıw
orınlarınıń, huqıq qorǵaw uyımlarınıń xızmetkerleri, nuraniylar, student-jaslar
hám ǵalaba xabar qurallarınıń wákilleri qatnastı.
Ózbekstan hám Qaraqalpaqstan Respublikalarınıń mámleketlik gimnleri jańladı.
Qaraqalpaqstan Respublikası Joqarǵı Keńesiniń Baslıǵı M.Kamalov jıynalǵanlardı Ózbekstan Respublikası Konstituciyası qabıl etilgeniniń 29 jıllıǵı bayramı menen Qaraqalpaqstan Respublikası Joqarǵı Keńesi hám Ministrler Keńesiniń atınan qızǵın qutlıqladı.
Atap
ótilgenindey, Konstituciya óziniń tereń oylanǵan principleri hám qaǵıydaları
menen ajıralıp, elimizdiń táǵdirin, hár bir insannıń huqıq jáne erkinliklerin
belgilewde áhmiyetli hújjet bolıp esaplanadı. Prezidentimizdiń xalqımızdıń
abadan turmıs keshiriwi ushın múnásip sharayat jaratıw Konstituciyamızdıń
tiykarǵı maqseti bolıp tabıladı,-degenindey, tınıshlıqtıń qádirine jetiw,
ata-babalarımızdıń miyrasların qásterlep saqlaw, elimizdiń abadan turmısın
támiyinlew, kekse-nuraniylardı, hayal-qızlar
menen jaslarımızdı qollap-quwatlaw, búgingi turmısımızdıń tiykarǵı ólshemine
aylanıp barmaqta.
Sońǵı
jılları Prezidentimizdiń basshılıǵında barlıq tarawlarda reformalardıń
tereńlesip barıwı, isbilermenlikti rawajlandırıw boyınsha jumıslardıń jedellesiwi,
jaslar hám hayal-qızlardı qollap-quwatlaw mámleketlik siyasat dárejesine
kóterilgenligi, járdemge mútáj insanlardıń qollap-quwatlanıwı, «Máhálle
kesiminde» jumıs islew ámeliyatınıń jolǵa qoyılǵanlıǵı-bulardıń barlıǵı
xalqımızdı turmıstan razı etiw ushın ámelge asırılıp atırǵan iygilikli islerden
esaplanadı.
Jańa
Ózbekstandı qurıw jolında rawajlanıwdıń jańa basqıshına kóterilip atırǵan
elimizde ótken qısqa waqıt ishinde barlıq aymaqlar qatarında Qaraqalpaqstan
Respublikası da sociallıq-ekonomikalıq jaqtan jańasha rawajlanıw jolına
túspekte. Eń shetki Moynaq, Qońırat, Bozataw, Qanlıkól hám Taxtakópir
rayonlarında úlken jańalanıwlar bolmaqta.
Prezidentimizdiń
2020-jıl 11-noyabrdegi «2020-2023-jıllarda Qaraqalpaqstan Respublikasın
kompleksli social-ekonomikalıq rawajlandırıw ilajları haqqında»ǵı qararınıń
qabıl etiliwi hám usı tiykarda sońǵı 3 jılqa mólsherlengen baǵdarlamanıń islep
shıǵılǵanlıǵı bul baǵdardaǵı ilajlardı jańa basqıshqa kóterdi.
Májiliste Berdaq atındaǵı Qaraqalpaq mámleketlik
universitetiniń studenti M.Jalalova jıynalǵanlardı bayram menen qutlıqlap,
respublikamızdıń xalqına, sonıń ishine, jaslarımızǵa ayrıqsha húrmet hám
itibarı ushın Prezidentimizge sheksiz minnetdarshılıq bildirdi. Qaraqalpaqstan
xalıq shayırı X.Dáwletnazarov Konstituciyaǵa arnalǵan qosıǵın oqıdı.
Ilaj kórkem óner sheberleri hám jas atqarıwshılardıń
bayramǵa arnalǵan koncert baǵdarlaması menen juwmaqlandı.
Saltanatlı májiliske Qaraqalpaqstan Respublikası
Ministrler Keńesiniń Baslıǵı Q.Sariev qatnastı.
D.ABIBULLAEV,
Qaraqalpaqstan
xabar agentliginiń sholıwshısı.
M.HÁBIYBULLAEV tıń túsirgen súwretleri