baspaǵa shıǵarıw
Máhellelerdi
sociallıq-ekonomikalıq rawajlandırıw, olarda shańaraqlıq isbilermenlikti keńeytiw, xalıqtıń dáramat
dáreklerin kóbeytiw hám jumıssızlıqtı kemeytiw maqsetinde aymaqlarda
shólkemlestirilgen «Máhellebay» islew sisteması óz nátiyjesin berip atır.
«Máhellebay»
islew sisteması tiykarında máhellelerde isbilermenlikti jáne de
qollap-quwatlaw, sonday-aq, isbilermenlik sub'ektleri hám xojalıqlar ortasında
ekonomikalıq kooperatsiyanı keńeytiw arqalı xalıqtıń dáramatın hám satıp alıw
qábiletin asırıwǵa, shańaraq isbilermenligin hám ózin-ózi bánt etip islew
iskerligi jáne de kóbeymekte.
Búgingi
kúnde, xálıqtıń isbilermenlik joybarların ámelge asırıwdı qarjılandırıwǵa kómeklesiw, olardıń dáramatlı miynet
penen bantligin támiyinlew, «Máhellebay» islew sistemasın jańa basqıshqa alıp
shıǵıw, atap aytqanda «Máhelleden shıqpay turıp barlıq xızmetlerden paydalanıw»
principi tiykarında mámleket tárepinen kórsetiletuǵın xızmetler usınıs
etiliwine múmkinshilik jaratıw maqsetinde dáslepki márte tájiriybe sıpatında hár bir mákán (awıl) puqaralar jıyınında
isbilermenlikti rawajlandırıw, xalıqtıń bántligin támiyinlew hám kambaǵallıqtı
kemeytiw máseleleri boyınsha hákim járdemshisi lawazımı eńgizilip atır.
Lawazımǵa
qoyılatuǵın tiykarǵı talaplar :
«Hákim
járdemshisi» lawazımına joqarı maǵlıwmatlı, máhálleniń shárt-sharayatın
jaqsı biletuǵın, finans hám ekonomika salasında keminde 2 jıl miynet stajına
hám de isbilermenlikti rawajlandırıw, puqaralardıń biznes joybarların ámelge asırıwda
qollap-quwatlaw máselelerinde tájiriybege iye bolǵan, ekonomikalıq rawajlanıw
hám kambaǵallıqtı qısqartıw, finans, bántlik hám miynet qatnasıqları, investitsiya
hám sırtqı sawda ministrlikleri, mámleketlik salıq basqarması, kommerciyalıq
banklerdiń aymaqlıq filialları hám basqa da ekonomikalıq hám investitsiyalıq
kompleksine kiretuǵın ministrlik hám mákemeler, olardıń qala hám rayonlardaǵı
bólim (filial )lerinde bólim baslıǵınan tómen bolmaǵan lawazımda isleytuǵın
xızmetkerler tayınlanadı.
«Hákim járdemshisi»nıń tiykarǵı wazıypaları tómendegilerden ibarat :
a) máhelle
puqaralar jıyınındaǵı sociallıq-ekonomikalıq jaǵdaydı «shańaraqbay» úyreniw,
atap aytqanda xalıqtıń bántlik dárejesin, shańaraqlardıń dáramat dáreklerin, qıytaq
jerlerinen paydalanıw jaǵdayın hám de dáramatlı miynetke bolǵan umtılıwı hám
mútajliklerin analizlew arqalı máhelle haqqında kompleks maǵlıwmatlar bazasın (pasportın) qáliplestiriw;
b) máhellede isbilermenlikti
rawajlandırıwdıń ishki imkaniyatların, isbilermenlikti jolǵa qoyıw boyınsha
qáliplesken qánigelеsiwi
hám
miynet resurslarin inabatqa alǵan halda onı rawajlandırıwǵa túrtki beretuǵın
faktorlar hám jónelislerdi belgilew, olardı ámelge asırıw arqalı
máhálleniń ekonomikalıq ósiwin
támiyinlew;
v) máhellede jasawshı xalıqtıń shańaraqlıq isbilermenligin rawajlandırıw, atap
aytqanda olardıń ónermentshilik, úy miyneti (kasanshiliq),
qıytaq
jerlerinen
nátiyjeli paydalanıw, kishi islep shıǵarıw, xizmet kórsetiw hám basqa túrdegi
xızmetlerin jolǵa qoyıw ushın shańaraqlıq isbilermenlik
baǵdarlaması sheńberinde kreditler
alıwǵa kómeklesiw;
g) máhálleniń qánigelesiwinen kelip
shıǵıp, kooperatsiya tiykarında isbilermenlik iskerligin jolǵa qoyıw qálewin
bildirgen «jetekshi» isbilermenlerge jeńillikli kreditler ajıratıwdı shólkemlestiriw
hám de olarǵa turaqlı
isbilermenlik penen
shuǵıllanıw potencialına iye bolmaǵan xalıqtı óz iskerligin jolǵa qoyıwı ushın
biriktiriw;
d) máhelledegi bánt bolmaǵan xalıqtıń
isbilermenlik hám turaqlı dáramat keltiretuǵın iskerlik penen shuǵıllanıwın jolǵa qoyıw
maqsetinde olarǵa teplica
qurıw, qıytaq
jerlerin
suwǵarıw ushın vertikal suwǵarıw qudıqların burawlaw, awıl xojalıǵı kooperativine aǵza bolıw, ásbap -úskene hám miynet
quralların satıp alıw, imárattıń ijara tólewi hám de kásip-óner hám
isbilermenlikke oqıwı ushın subsidiyalar alıwǵa kómeklesiw;
e)
máhelledegi bos (vakant)
jumıs orınların hám de xojalıq jurgiziwshi sub'ektlerdiń máwsimlik jumısshılarǵa bolǵan talabın anıqlaw
arqalı jumıssızlardı, birinshi gezekte
«temir
dápter», «hayallar dápteri» hám «jaslar dápteri»ne kirgen jaslar hám hayal-qızlardı bos
(vakant) jumıs orınlarınǵa jaylastırıw hám de jámiyetlik jumıslarına tartıw;
j) turaqlı dáramat dáregine iye bolmaǵan
hám jumıssız xalıqtıń, ásirese, jaslar hám hayal-qızlardıń qızıǵıwshılıǵın
úyreniw arqalı olardı kásip-óner hám isbilermenlikke úyretiwshi oqıw oraylarına
baǵdarlaw
hám oqıwdı tamamlaǵan pitkeriwshilerdiń bántligin támiyinlewge járdem beriw;
z) máhelledegi bos turǵan imárat hám jer maydanların anıqlap, olardı
belgilengen tártipte isbilermenlik sub'ektlerine ajıratıw boyınsha tiyisli
shólkemlerge usınıslar kirgiziw;
i) máhelledegi isbilermenlerdiń
isbilermenlik iskerligin ámelge asırıwǵa tosıq bolıp atırǵan máseleler hám múrájaatların (injenerlik-kommunikaciya
sistemalarına jalǵanıw hám olardan paydalanıw, hár qıylı iskerlikti jolǵa qoyıw
ushın ruxsatnamalar hám litsenziyalar alıw, bos turǵan imárat hám jer maydanların isbilermenlik
ushın ajıratıw hám basqalar) tiyisli shólkemler
tárepinen unamlı
sheshiliwine
kómeklesiw
arqalı olardıń iskerligin keńeytiw ilajların kóriw;
k) máhelledegi shańaraqlardıń materiallıq hám
sociallıq jaǵdayı haqqındaǵı zárúr bolǵan maǵlıwmatlardı «Social qorǵaw
birden-bir reestri» elektron
bazasına kiritip
barıw.
Hákim járdemshisi hár ayda ámelge
asırılǵan jumıslar nátiyjeliligi boyınsha rayon (qala) hákiminiń
finans-ekonomika hám kambaǵallıqtı
qısqartıw máseleleri boyınsha birinshi
orınbasarı menen birgelikte hákimge esabat berip baradı.
Joqarıdaǵilardan
kelip shıǵıp, Qaraqalpaqstan Respublikası Nókis qalası hám barlıq rayonlar
hákimliklerinde eńgizilip atırǵan, respublikadaǵı 424 mákan (awıl) puqaralar jıyınınıń hár biri
boyınsha isbilermenlikti rawajlandırıw, xalıqtıń bántligin támiyinlew hám kambaǵallıqtı
kemeytiw máseleleri boyınsha hákim járdemshisi lawazımına ashıq tańlaw daǵaza
etiledi.
Bul lawazımǵa kandidatlar rayon (qala)larda hákim
basshılıǵındaǵı tańlaw komissiyaların qáliplestiriw arqalı ashıq tańlawlar
tiykarında jumısqa qabıl etiledi. Tańlaw nátiyjesine kóre jumısqa qabıl etilgen
shaxsqa aldınǵı jumıs jayındaǵıǵa salıstırǵanda kem bolmaǵan muǵdarlarda is haqı
tólenedi.
«Hákim járdemshisi» lawazımına tayınlanǵan kúnnen baslap Milliy
kadrlar rezervine kiritiledi hám de miynet iskerligi nátiyjeliligine kóre
Mámleket xızmetin rawajlandırıw agentligi usınıslarına tiykar joqarı
lawazımlarǵa tańlawsız tuwrıdan-tuwrı ótkeriledi.
Maǵlıwmat ushın telefonlar: (61) 222 66 36
Ózińiz
haqqıńızdagı maǵlıwmatlardı (ob'ektivka) krvk@exat.uz adresine jiberiwinizge boladı
Talaban
(kandidat)lar múrájaatları usı jıldıń10-noyabrǵa deyin qabıl etiledi.