Qaraqalpaqstan Respublikası Ministrler Keńesi

Sırt mámleketlerdiń jetekshilerinen Ózbekstan Respublikası Prezidenti Shavkat Mirziyoevqa onıń usı jılı 24-oktyabr kúni bolıp ótken saylawda mámleket basshısı lawazımına qayta saylanǵanı múnásibeti menen qutlıqlawlar kelmekte. Olarda Ózbekstan Prezidentine jańa tabıslar, mámleketimiz xalqına bolsa tınıshlıq-paraxatshılıq, abadanlıq hám rawajlanıw tilekleri bildirilgen.

Ózbekstan Respublikası Prezidenti lawazımına qayta saylanǵanıńız múnásibeti menen qızǵın qutlıqlawımdı qabıl etkeysiz.

Bul jeńis Siziń ishki hám ekonomikalıq siyasattaǵı reformalarıńızdıń nátiyjesi bolıp esaplanadı. Bul Siziń milliy mámleketshilikti bekkemlew, xalıqtıń abadanlıǵın arttırıw baǵdarındaǵı baslamalarıńız hám milliy máplerdi regionallıq hám xalıqaralıq maydanda alǵa qoyıw boyınsha poziciyańız Ózbekstan puqaraları tárepinen qollap-quwatlanıp atırǵanınıń kórinisi bolıp esaplanadı.

Mámleketińiz Siziń basshılıǵıńız astında bunnan bılay da jedel rawajlanıwın tileymen.

Qazaqstan menen Ózbekstan kóp ásirlik óz-ara húrmet hám jaqsı qońsıshılıq dástúrlerine tiykarlanǵan hár tárepleme strategiyalıq sheriklikti bekkemlep barıwǵa hám xalıqlarımızdıń abadanlıǵı jolında izbe-iz rawajlanatuǵınına isenemen.

Óz-ara húrmet hám ańlasıwǵa tiykarlanǵan doslıǵımızdı joqarı qádirleymen. Keleshekte xalıqlarımızdıń abadanlıǵı jolında jáne bir márte ushırasatuǵınımızǵa úmit etemen.

Pursattan paydalanıp, húrmetli Shavkat Miromonovich, Sizge bekkem densawlıq hám tawsılmas kúsh-ǵayrat, shańaraǵıńızǵa baxıt-ıǵbal, tuwısqan Ózbekstan xalqına bolsa tınıshlıq-paraxatshılıq hám rawajlanıw tileymen

   *   *   *

Ózbekstan Respublikasında ótken Prezident saylawındaǵı jeńisińiz múnásibeti menen qızǵın qutlıqlawlarımdı qabıl etkeysiz.

Dawıs beriw nátiyjeleri Siziń mámlekettiń rawajlanıwın támiyinlew, onıń xalıqaralıq maydandaǵı abırayın izbe-iz arttırıw hám dos ózbek xalqınıń abadanlıǵın arttırıwǵa qaratılǵan ádil siyasatıńız ulıwmaxalıqlıq kólemde qollap-quwatlanıp atırǵanınan dárek beredi.

Isenimim kámil, Túrkmenstan menen Ózbekstan arasındaǵı jaqsı qońsıshılıq, doslıq hám jaqsı qatnasıqlar bunnan bılay da xalıqlarımızdıń aydın keleshegi jolında jedel rawajlanıwda dawam etedi.

Usı qolaylı pursattan paydalanıp, Sizge, húrmetli Shavkat Miromonovich bekkem densawlıq, baxıt-ıǵbal, mámleket basshısı lawazımındaǵı juwapkershilikli jumısıńızǵa tabıslar, dos Ózbekstan xalqına bolsa tınıshlıq-paraxatshılıq hám rawajlanıw tileymen.

Tereń húrmet penen

   *   *   *

Sizdi Ózbekstan Respublikası Prezidenti lawazımına úlken isenim menen qayta saylanǵanıńız benen qızǵın qutlıqlayman.

Ulıwma milliy dawıs beriw nátiyjeleri boyınsha erisilgen haqıyqıy jeńisińiz Siziń Jańa Ózbekstandı – sociallıq-ekonomikalıq turmıstaǵı úlken jetiskenliklerge erisken, sociallıq-ekonomikalıq jaqtan turaqlı rawajlanıp atırǵan, xalıqaralıq maydanda joqarı abıray-mártebege iye mámleketti qurıw ideyasın ámelge asırıwǵa qaratılǵan strategiyalıq háreketlerińiz ulıwmaxalıqlıq dárejede qollap-quwatlanıp atırǵanınan dárek beredi.

Qazaqstanda Sizdi tuwısqan xalıqlarımız arasındaǵı birge islesiwdi izbe-iz rawajlandırıw, doslıq hám jaqsı qońsıshılıqtı bekkemlewdiń isenimli tárepdarı sıpatında biledi hám húrmet etedi.

Birgeliktegi háreketler menen eki tárepleme strategiyalıq sherikligimizdi mámleketlerimiz hám pútkil Oraylıq Aziyanıń mápleri jolında joqarı dárejege alıp shıǵıwǵa isenimim kámil.

Kún tártibindegi barlıq áhmiyetli máselelerdi dodalaw ushın Sizdi jaqın waqıtta Qazaqstan Respublikasına mámleketlik sapar menen keliwge mirát etemen.

Pursattan paydalanıp, húrmetli Shavkat Miromonovich, Sizge Watan hám xalıq xızmetindegi pidákerli jumısıńızǵa jańa tabıslar tileymen.

   *   *   *

Ózbekstan Respublikası Prezidenti sıyaqlı joqarı lawazımǵa qayta saylanǵanıńız múnásibeti menen Sizge qızǵın qutlıqlawlarım hám jaqsı tileklerimdi jollaw maǵan úlken qanaatlanıwshılıq baǵıshlaydı.

Sizge bekkem densawlıq, abadanlıq, dos Ózbekstannıń turaqlı rawajlanıwı jolındaǵı jumısıńız bunnan bılay da nátiyjeli bolıwın, dos ózbek xalqına bolsa tınıshlıq-paraxatshılıq, turaqlılıq hám rawajlanıw tileymen.

Prezident saylawındaǵı isenimli jeńisińiz Siziń mámleketti izbe-iz rawajlandırıw hám xalıqaralıq maydandaǵı abırayın bekkemlewge qaratılǵan siyasatıńız pútkil xalıq tárepinen qollap-quwatlanıp atırǵanınıń jáne bir ayqın kórinisi boldı.

Mámleketke basshılıǵıńızdıń gezektegi dáwirinde dos Ózbekstan bul jolda jańa sheklerge erisiwine isenemen.

Siziń Tájikstan menen Ózbekstan arasındaǵı doslıq, jaqsı qońsıshılıq hám strategiyalıq sheriklik túrindegi konstruktivlik birge islesiwdi hár tárepleme rawajlandırıw hám bekkemlew baǵdarındaǵı izbe-iz umtılısıńızdı joqarı bahalayman.

Birgeliktegi háreketler menen Tájikstan hám Ózbekstannıń nátiyjeli mámleketleraralıq birge islesiwin bunnan bılay da xalıqlarımızdıń abadanlıǵı hám pútkil region mápleri jolında alǵa qoyamız.

Pursattan paydalanıp, mámleketlerimiz qatnasıqların jańa ámeliy mazmun menen bayıtıwǵa birgelikte háreket etiwge tayar ekenimdi bildiremen.

   *   *   *

Qırǵız Respublikasınıń xalqı atınan hám jeke ózimniń atımnan Sizdi Ózbekstan Respublikası Prezidenti etip saylanǵanıńız benen qızǵın qutlıqlayman.

Saylaw nátiyjeleri Ózbekstannıń kóp milletli xalqı Sizge joqarı isenim menen qarap atırǵanın jáne bir márte ayqın kórsetti.

Siziń ádil hám uzaqtı kóre biletuǵın basshılıǵıńız astında Ózbekstan mámleketshilikti rawajlandırıwda úlken tabıslarǵa erisetuǵınına isenemen.

Mámleketimizde Siziń Qırǵızstan – Ózbekstan qatnasıqların rawajlandırıw hám Oraylıq Aziya xalıqlarınıń rawajlanıwı jolında regionallıq birge islesiwdi bekkemlewge qosıp atırǵan úlken úlesińizdi joqarı qádirleydi.

Bizler bunnan bılay da siyasiy sóylesiwdi jedellestiriwge, kóp ásirlik doslıq hám jaqsı qońsıshılıq dástúrlerine tiykarlanǵan eki tárepleme qatnasıqlardı keńeytiw hám bekkemlew ústinde birgelikte islesiwge tayarmız.

Usı qolaylı imkaniyattan paydalanıp, Sizge, húrmetli Shavkat Miromonovich, bekkem densawlıq, juwapkershilikli mámleketlik lawazımdaǵı jumısıńızǵa jańa tabıslar, dos Ózbekstan xalqına bolsa tınıshlıq-paraxatshılıq, abadanlıq hám rawajlanıw tileymen.

 

   *   *   *

Ózbekstan Respublikası Prezidenti lawazımına qayta saylanǵanıńız benen Sizdi shın kewilden qutlıqlayman.

Saylawdaǵı isenimli jeńisińiz – Siziń mámleket abadanlıǵı jolındaǵı siyasatıńız dos ózbek xalqı tárepinen qollap-quwatlanıp atırǵanı, haqıyqıy jetekshi sıpatında Sizge úlken isenim hám húrmet penen qarap atırǵanınıń ayqın kórinisi bolıp esaplanadı.

Ázerbayjan hám Ózbekstandı xalıqlarımızdıń birdey ruwxıy qádiriyatlarına tiykarlanǵan doslıq qatnasıqları tıǵız baylanıstırıp turadı. Qatnasıqlarımızdıń búgingi dárejesi, usı bekkem tiykarǵa qurılǵan óz-ara paydalı birge islesiwimiz kúnnen-kúnge keńeyip atırǵanı úlken qanaatlanıwshılıq baǵıshlaydı.

Bay milliy-ruwxıy qádiriyatlarımızdan kúsh alıp atırǵan Ázerbayjan – Ózbekstan doslıǵı hám strategiyalıq sherikligi dos xalıqlarımızdıń erk-ıqrarına muwapıq bunnan bılay da joqarı kóterilip, bekkemlenip baratuǵınına isenemen.

Húrmetli Shavkat Miromonovich, Sizge bekkem densawlıq, baxıt-ıǵbal, dos Ózbekstan Respublikasınıń abadanlıǵı hám rawajlanıwı jolında joqarı mámleketlik lawazımdaǵı jumısıńızǵa jańa tabıslar tileymen.

   *   *   *

Joqarı mámleketlik lawazımǵa qayta saylanǵanıńız benen qızǵın qutlıqlawımdı qabıl etkeysiz.

Isenimli jeńisińiz joqarı abıray-mártebeńiz, saylawshılardıń sizge bolǵan isenimi bálent ekeniniń ayqın hám sózsiz dáliyli boldı. Xalıq kúshli, ǵárezsiz, zamanagóy mámleket qurıw baǵdarında tanlanǵan jolǵa sadıq ekenin tastıyıqladı.

Siziń tájiriybeli basshılıǵıńızda Ózbekstan Respublikasınıń jedel rawajlanıwında, ekonomikalıq potencialı hám xalıqaralıq maydandaǵı ornın bekkemlewde dawam etedi.

Jaqın waqıtta ekewimiz jeke ushırasıp, eki tárepleme birge islesiwdiń aǵımdaǵı hám perspektivalı baǵdarların dodalap alamız.

Usı quwanıshlı pursattan paydalanıp, Sizge, húrmetli Shavkat Miromonovich bekkem densawlıq, tawsılmas kúsh-ǵayrat hám Watannıń abadanlıǵın gózlep mólsherlengen rejelerińizge tabıslar tileymen.

Qutlıqlawlardıń keliwi dawam etpekte.