baspaǵa shıǵarıw
2021jıl 24-sentyabr kúni Tashkent wálayatındaǵı 15-sanlı hám Xojeli rayonındaǵı 1-sanlı mehriybanlıq úylerindegi 200 den aslam tárbiyalanıwshılar Moynaq rayonındaǵı "Aq keme" balalar dem alıw hám sawallandırıw orayına dem alısqa jetip kelgen edi.
Bir háptelik kewilli dem alısta mehriybanlıq úyi
tárbiyalanıwshıları, Moynaq rayonındaǵı bir qansha orınlarda bolıp, rayon
tariyxı menen jaqınnan tanıstı.
Lagerde balalardıń intelektual bilim kónlikpelerin rawajlandırıw, túrli baǵdarlarda bilim alıwı ushın barlıq qolaylıqlar jaratılǵan. futbol, basketbol, voleybol maydanshaları menen birge júziw basseynleri balalar ıqtıyarında.
Lager menen xoshlasıw keshesine Qaraqalpaqstan Respublikası
Joqarǵı Keńesi Baslıǵı M.Kamalov qatnasıp, kiris sóz benen ashıp berdi. Bunnan
soń respublikamızdıń mádeniyat tarawı xızmetkerleri tárepinen koncert
baǵdarlaması inám etildi.
Kóterińki ruwxta ótken keshe dawamında lagerde
shólkemlestirilgen hár qıylı jarıs jeńimpazlarına bahalı sıylıqlar tapsırıldı.
Sonıń menen birge barlıq tárbiyalanıwshılarǵa estelik sawǵaları berildi.
