baspaǵa shıǵarıw
Shımbay rayonı ázelden
óziniń awıl xojalıǵı ónimleri menen belgili. Miynetkesh diyqanlar erte báhárden
jerge kewil bólip tárbiyalaydı hám mol jemisin alıp, eldiń dastúrxanınıń tolı
bolıwına ózleriniń múnásip úlesin qosıp kelmekte.
Rayonda iyun ayınan baslap qawınlar pisti. Búgingi kúnde paldan tatlı qawınlar «Mayjap» awıl puqaralar jıyınında jetistirilmekte. Pisib jetiskenler bolsa xalqımızǵa jetkerip berilmekte.
Búgin mámleketimizde isbilermenlerge keń imkaniyatlar jaratılǵan. Bul imkaniyatlardan óz waqtında aqılǵa uǵras paydalanıw tek ǵana isbilermenge emes al, mámleketimizdiń ekonmikasına da óziniń unamlı tásirin kórsetedi. Berilgen jeńilliklerden únemli paydalanǵan diyqanlarımız jetistirgen qawınların sırt ellerge eksportqa shıǵarıwdı da jolǵa qoydı.
