baspaǵa shıǵarıw
Ózbekstan Respublikası Prezidentiniń 2021-jıl 20-avgust kúni
isbilermenler menen ótkerilgen “Ashıq sáwbet”inde tarawǵa baylanıslı berilgen
wazıypalar hám bildirilgen usınıslar boyınsha sonıń menen birge ótkerilgen bul
“Ashıq sáwbet”tiń áhmiyetin, isbilermenlerge jaratılǵan imkaniyatlardı
tereńirek jetkeriw, isbilermenlerdiń usınısların jáne de kóbirek tıńlaw
maqsetinde Qaraqalpaqstan Respublikasındaǵı isbilermenlik subektleriniń
qatnasında dógerek sáwbeti shólkemlestirildi.
Oǵan Qaraqalpaqstan Respublikası Joqarǵı Keńesi Baslıǵı
Kamalov Murat Qallibekovich, Ózbekstan Respublikası Sawda sanaat palatası
baslıǵı Ikramov Adxam Ilxamovich, Qaraqalpaqstan Respublikası Ministrler Keńesi
Baslıǵı Sariev Kaxraman Ramatullaevich, Oliy Májlis senatı aǵzaları, ministrlik
hám mákemelerdiń basshıları menen birge 300 den aslam isbilermenler qatnastı.
Dógerek sáwbetinde 20-avgust kúni mámleketimiz basshısı
tárepinen biznesti rawajlandırıw, boyınsha qoyılǵan wazıypaları hám bildirilgen
usınısları dodalandı.
Sonıń menen birge húrmetli Prezidentimiz tárepinen
bildirilgen “Qaraqalpaqstanda biznes qılıń” usınısın ámelge asırıw boyınsha
isbilermenlerdiń pikirleri menen baslamaları tıńlandı.
Bolıp ótken dógerek sáwbetinde Prezidentimiz tárepinen
biznesti rawajlandırıw boyınsha bildirgen jeti áhmiyetli baǵdarları boyınsha
isbilermenlerge keńnen túsinik berildi.
Atap aytqanda, isbilermenlerge beriletuǵın kreditlerdiń
múddetin uzaytırıw hám ápiwayılastırıw, salıq sistemasın jetilistiriw, bizneske
salıq júgin kemeytiw, jerlerdi
ekonomikalıq aylanısqa kirgiziw, olardı aldı sattı hám girew obektine aylandırıw,
isbilermenlerdi injenerlik kommunikaciya tarmaqları menen támiyinlewdi
jaqsılaw, kishi biznesti eksportqa
tartıw hám transport logistika máseleleri solar qatarınan.
Dógerek
sáwbetinde isbilermenler tárepinen usınıs hám pikirler bildirildi.
QR Ministrler Keńesiniń Málimleme xızmeti