baspaǵa shıǵarıw
Ózbekstan Respublikasında import ornın
basatuǵın medicinalıq ásbap-úskenelerdi islep shıǵarıwshılardı
qollap-quwatlawǵa úlken itibar qaratılmaqta. Sol maqsette, «CHIRANAASIA»
Slovakiya-Rossiya-Ózbekstan qospa kárxanası shólkemlestirilip, onıń rásmiy
ashılıwı 2021-jıl 16-martta Tashkent qalasında bolıp ótken edi.
Koronavirus pandemiyası dáwirinde, ásirese,
kovid orayları hám reanimaciya bólimlerinde jasalma dem beriw apparatları,
ıssılıq hám ıǵallıq almasatuǵın filtrler, dem alıwshı kislorodlı maskalar,
nebulayzerlerge mútájlik sezildi. Bunnan bılay usı hám basqa da medicinalıq
ásbap-úskeneler ózimizde islep shıǵarılatuǵın boldı.
Islep shıǵarılıp atırǵan medicinalıq
ásbap-úskeneler hám olardıń funkciyaları menen jaqınnan tanıstırıw maqsetinde
«CHIRANAASIA» Slovakiya-Rossiya-Ózbekstan qospa kárxanası baslıǵı Vasiliy
Shimko Nókiske kelip QR Densawlıqtı saqlaw ministri Murad Qurbanov penen
ushırastı. Ushırasıwda kárxanada islep shıǵarılıp atırǵan medicinalıq
ásbap-úskenelerdiń sapası, ońlaw hám utilizaciya etiw xızmetleri, olardı
paydalanıwda xızmetkerlerdi oqıtıw máseleleri dodalandı.
Densawlıqtı saqlaw ministrliginiń Málimleme
xızmeti