Qaraqalpaqstan Respublikası Ministrler Keńesi

Taxtakópir rayonında ǵalaba xabar wákilleriniń  (televidenie, radio, gazeta-jurnal, internet jurnalistleri hám blogerler) qatnasıwında media-tur ótkerildi. Media-tur qatnasıwshıları rayondaǵı toǵay xojalıǵınıń ıssıxana, nál óndiriw maydanındaǵı jańalıqlar, "Agrokompleks Qaraqalpaqstan" JShJ sharwashılıq jámáátindegi násilli mallardıń kútimi, "Zuleyha asalarichi" islep shıǵarıw kooperativinde jaslardıń jumıs penen támiyinleniwi, 15-sanlı mektepke shekemgi bilimlendiriw mákemesi, "Good salt product" JShJde rayon aymaǵınan alınǵan duz ónimlerin qayta tayarlaw jumısları (5 márte juwıw arqalı 4 túrli as duzın tayarlaw) menen tanısıp shıqtı hám usılar tiykarında rayon hákimliginde press konferenciya ótkerildi.

Túslikten soń "Abat awıl" baǵdarlamasına engizilgen "Beltaw" awılındaǵı ózgerislerdi kózden ótkerdi. Sońǵı juwmaqlawshı saparda "Bórshitaw" hám "Qaratereń" kóline sayaxat etti hám olardıń tariyxıy atamaları menen  tanıstı.

Taxtakópir rayonı hákimligi Málimleme xızmeti