22.12.2024
Siyasat
docx formatta júklep alıw (315,2 kb)
pdf formatta júklep alıw (879,8 kb)
baspaǵa shıǵarıw
baspaǵa shıǵarıw
Búgin, 30-aprel kúni Ózbekstan Respublikası Prezidenti Shavkat Mirziyoev hám Qırǵız Respublikası Prezidenti Sadir Japarovtiń telefon arqalı sóylesiwi bolıp ótti.
Sáwbetlesiwde regionallıq birge islesiw hám eki tárepleme kún tártibindegi áhmiyetli máseleler kórip shıǵıldı.
Prezidentler Qırǵızstan-Tájikstan shegarasında júzege kelgen jaǵdaydı hám onı tez pursatta sheshiwdi dodaladı. Qırǵızstan hám Tájikstan tárepleri jaǵdaydı turaqlastırıw hám onıń jáne de keskinlesiwine jol qoymawǵa qaratılǵan kelisimlerge eriskeni qanaatlanıwshılıq penen atap ótildi.
Payda bolıp atırǵan barlıq tartıslı máseleler kóp ásirlik doslıq, jaqsı qońsıshılıq, isenim hám sheriklik ruwxındaǵı sóylesiw tiykarında sheshiliwi zárúr ekenligi atap ótildi.
Mámleket basshıları bıyılǵı jıldıń mart ayında Tashkent qalasında ótken sammit juwmaǵında qabıl etilgen birgeliktegi qarar hám kelisimlerdi ámelge asırıw máselelerine ayrıqsha toqtap ótti.
Qabıl etilgen minnetlemelerdi sózsiz orınlaw hám tiykarǵı joybarlardı alǵa qoyıw maqsetinde belsene almasıwlardı dawam ettiriw hám birge islesiwdi keńeytiw áhmiyetli ekenligi atap ótildi.
ÓzA