baspaǵa shıǵarıw
Ózbekstan Respublikası Prezidentiniń
qararı
Búgingi kúnde mámleketimizde qarakólshilik tarmaǵı
kárxanaların modernizaciyalaw, óndiris quwatlıqların texnikalıq hám
texnologiyalıq jaqtan jańalaw, ózbek qarakól brendin jaratıw hám dúnya
kóleminde úgit-násiyatlaw, tarawdıń investiciyalıq tartımlılıǵın arttırıw
baǵdarında keń kólemli jumıslar ámelge asırılmaqta.
Sonıń menen birge, mayda shaqlı násilli qara mallardı
kóbeytiw, sonday-aq, olardı soyıw, teri hám júnin qayta islew, gósh-sút
ónimlerin, yarım tayar hám tayar ónimler
islep shıǵarıw kárxanaların shólkemlestiriw, tarmaqqa rawajlanǵan sırt
ellerdiń tájiriybesin hám innovaciyalıq texnologiyalardı engiziw, suw menen
támiyinlengen jaylawlarda jańa suw komlekslerin qurıw hám barların
modernizaciyalaw baǵdarında bir qatar sistemalı mashqalalar saqlanıp qalmaqta.
Sonday-aq, bar jaylawlardıń ónimdarlıǵın arttırıw,
tuqımgershilik maydanların keńeytiw,
násilshilik jumısların bunnan bılay da
jetilistiriw, tarawda eksportqa jaramlı qarakól hám tıqır qarakól terisin
jetistiriw jaǵdayı búgingi kúnniń talabına juwap bermeydi.
Joqarıdaǵılardı inabatqa alıp, qarakólshilik tarmaǵın
mámleket tárepinen qollap-quwatlaw,
jaylawlardan nátiyjeli paydalanıw hám jaylawlardan paydalanıwda salıq
jeńilliklerin qollanıw, tuqımgershilik jumısın jolǵa qoyıw, násilshilik
jumısların jetilistiriwde subsidiya beriw tártibin qollanıw jáne tarawdıń ilimiy
potencialın bunnan bılay da bekkemlew maqsetinde:
1.Qaraqalpaqstan Respublikası Ministrler Keńesi hám
wálayatlardıń hákimlikleri 2021-jıl 1-martqa shekem qarakólshilik klasterleri
tárepinen qoy hám eshkilerdi semirtip baǵıw komplekslerin shólkemlestiriw
maqsetinde olarǵa awıl xojalıǵında paydalanılmay atırǵan suwǵarılatuǵın
jerlerdi paydalanıwǵa kirgiziw shárti menen ot-jem jetistiriw ushın
1-qosımshaǵa muwapıq jer maydanları ajıratılıwın támiyinlensin.
2.Qarjı ministrligi qarakólshilik tarawın bunnan bılay da
rawajlandırıw maqsetinde 2021-jıl 15-fevralǵa shekem Qarjı ministrliginiń
waqtınsha bos turǵan qarjıları (Ózbekstan Respublikası Mámleketlik byudjeti hám
mámleketlik maqsetli qorlarınıń qarjıları, byudjetti qollap-quwatlaw ushın
tartılatuǵın xalıqaralıq finans institutları hám sırt el húkimetlik finans
shólkemleriniń kreditleri, suveren xalıqaralıq obligaciyalardı shıǵarıw hám
nızam menen qadaǵan etilmegen basqa da
dárekler) esabınan 100 milliard sum qarjılardı «Turonbank» AKBǵa Oraylıq bank
tiykarǵı stavkasında ajıratsın.
«Turon bank» AKB usı bántke tiykarlanıp ajıratılatuǵın
qarjılardı Respublikalıq «Qarakólshilik» associaciyası (keyingi orınlarda –
Associaciya) aǵzalarına 3 jıl múddetke shekem, sonıń ishinde, bir jıllıq
jeńillikli dáwir menen Oraylıq banktiń tiykarǵı stavkasına 2 procentlik
bank marjasın qosıw arqalı esaplanatuǵın
stavka boyınsha kredit sıpatında tómendegi maqsetlerge beriliwin támiyinlesin:
násilli qarakólshilik xojalıqlarınan qoylar satıp alıw;
qarakólshilik tarawında eksportqa jaramlı qarakól hám tıqır
qarakól terisin qayta islew jáne tayar ónim islep shıǵarıw kárxanaların
shólkemlestiriw;
qarakólshilik
subektleri tárepinen ot-jem cexları (granulyator) shólkemlestiriliwin
jáne awıl xojalıǵı texnikaların hám agregatların, resurs únemlewshi úskeneler
hám zamanagóy texnologiyalardıń satıp alınıwın qarjılandırıw;
suw shıǵarıw komplekslerin qurıw jáne barların ońlaw hám
modernizaciyalaw.
Usı bántte názerde tutılǵan kreditler boyınsha Ózbekstan Respublikası Prezidentiniń 2020-jıl
2-sentyabrdegi «Ózbekstan Respublikasında pilleshilik hám qarakólshilikti
bunnan bılay da rawajlandırıw ilajları
haqqında»ǵı PP-6059-sanlı pármanı 1-bántiniń jetinshi abzaqında belgilengen
tártip tiykarında Isbilermenlik jumısın qollap-quwatlaw mámleketlik qorı
qarjıları esabınan kompensaciya ajıratılatuǵını belgilensin.
3.Sonday
tártip ornatılsın, oǵan bola:
2024-jıl
1-yanvarǵa shekem Pilleshilik hám qarakólshilikti rawajlandırıw komitetiniń
(keyingi orınlarında – Komitet) turaqlı iyeligindegi jaylawlar jáne Toǵay
xojalıǵı boyınsha mámleketlik komiteti tárepinen Komitetke ijaraǵa berilgen
jaylawlar ushın belgilengen jer
salıǵınıń stavkası 50 procentke azaytıladı;
násilli qoy
hám eshkiniń, sonıń ishinde, hasıl tuqımlıqarakól qoylarınıń sırt mámleketlerden import etilgen
hár bir embrionına Ózbekstan Respublikasınıń respublikalıq byudjeti qarjıları
esabınan 400 mıń sum muǵdarında subsidiya
beriledi;
2021-jıl
1-aprelden baslap Associaciya aǵzalarına ózleri tárepinen import etilgen qoy
bas sanınıń 50 procentinen artpaǵan bólegin tiri hám shiyki gósh kórinisinde
(SEJ TN boyınsha 0104 hám 0204 kodları)
eksport etiwge ruqsat etiledi,
onda eksport kontraktlarınıń monitoringi Komitet hám Associaciya tárepinen
júrgiziledi.
4.Komitet
Veterinariya hám sharwashılıqtı rawajlandırıw boyınsha mámleketlik komiteti,
Investiciyalar hám sırtqı sawda ministrligi jáne Mámleketlik bajıxana komiteti
menen birgelikte 2021-jıl 20-martqa shekem Associaciyaǵa aǵza bolǵan xojalıqlar
tárepinen Ózbekstan Respublikası bajıxana shegarası arqalı qoy, onıń gósh hám
ishki organları, iylengen yamasa qayta islengen qarakól terisiniń alıp
shıǵılıwın monitoring etiw hám tiyisli mámleketlik uyımlar menen maǵlıwmat
almasıw tártibin Ministrler Kabinetine kirgizsin.
5.Veterinariya
hám sharwashılıqtı rawajlandırıw boyınsha mámleketlik komiteti «Ózstandart»
agentligi hám Mámleketlik bajıxana komiteti menen birgelikte eksportqa
baǵdarlanǵan tiri qoy hám olardan alınǵan gósh ónimlerin sırtqı bazarlarǵa
shıǵarıwda xalıqaralıq standarlar hám talaplar tiykarında tiyisli hújjetlerdi
sapalı tayarlaw, import etiwshi mámleketlerdiń talapların eksport etiwshi
kárxanalarǵa jetkeriwdi támiyinlesin jáne eksport etiwde olarǵa hár tárepleme
járdem bersin.
6.Komitet,
Innovaciyalıq rawajlanıw ministrligi hám Associaciyanıń:
ilim hám
óndiristiń bekkem integraciyasın támiyinlew, ilimiy hám innovaciyalıq jumıstı nátiyjeli
shólkemlestiriw, xalıqaralıq birge islesiwdi rawajlandırıw maqsetinde
Qarakólshilik hám shól ekologiyası ilimiy-izertlew institutı strukturasında
Oraylasqan ilimiy-násilshilik tájiriybe laboratoriyası (keyingi orınlarda –
násilshilik laboratoriyası)n shólkemlestiriw;
násilshilik
laboratoriyasın Qarakólshilik hám shól ekologiyası ilimiy-izertlew institutınıń
bos turǵan Samarqand wálayatı, Samarqand qalası, Mirza Uluǵbek kóshesi, 47-jay
mánzilindegi imaratına ijara tóleminiń «nol»lik stavkası tiykarında jaylastırıw haqqındaǵı usınısları
maqullansın.
Násilshilik
laboratoriyasınıń tiykarǵı wazıypaları etip tómendegiler belgilensin:
tarawda
jergilikli hám sırt elli ilim jetiskenliklerin engiziw tiykarında tábiyǵıy
ósip-óniwshilikke, joqarı ómirsheńlik hám beyimlesiw qásiyetine
shaǵılıstırılǵan ónimli jańa qoy porodaların jaratıwdıń laboratoriyalıq tájiriybelerin
alıp barıw;
násilli
qarakól qoylarınıń sapa kórsetkishlerin (qoydıń salmaǵı, sanaatqa jaramlı jún,
qarakól terisiniń ólshemi hám reńiniń tipi) jaqsılaw boyınsha tájiriybeler ótkeriw hám usınıslar islep shıǵıw;
ilimiy-násishilik
tájiriybe stanciyalarında joqarı násilli elita klasına tiyisli násilli
qoylardıń otarların ilimiy tiykarda shólkemlestiriw hám jasalma násillendiriw
jumısların sistemalı jolǵa qoyıw.
7.Mámleketlik
geologiya hám mineral resurslar komiteti Komitettiń buyırtpalarına tiykarlanıp
jaylawlarda jer astı suw dáreklerin anıqlaw hám juwmaq beriw biypul ámelge
asırılatuǵının támiyinlesin.
8.Tashkent
qalası hákimligi hám Mámleketlik aktivlerdi basqarıw agentliginiń Tashkent
qalası, Shayxantahur rayonı, Furqat kóshesi, 1-jay mánzilinde jaylasqan
imarattıń ekinshi hám úshinshi qabatına Associaciyanı biypul jaylastırıw
haqqındaǵı usınısına kelisim berilsin.
9.Ózbekstan
Respublikası Prezidentiniń ayırım qararlarına 2-qosımshaǵa muwapıq ózgerisler
kirgizilsin.
10.Komitet
eki ay múddette:
sırt
mámleketlerden import etilgen násilli qoy hám eshkiniń, sonday-aq, qarakól
hasıl tuqımlı qoylardıń hár bir embrionına Ózbekstan Respublikasınıń
respublikalıq byudjeti qarjıları esabınan subsidiya beriw tártibin;
basqa
mápdar ministrlikler hám uyımlar menen birgelikte nızam hújjetlerine usı
qarardan kelip shıǵatuǵın ózgerisler haqqındaǵı usınıstı Ministrler Kabinetine
kirgizsin.
11.Usı
qarardıń orınlanıwın nátiyjeli shólkemlestiriwge juwapker jáne jeke juwapker
etip Komitet baslıǵı B.Q.Sharipov belgilensin.
Qarardıń
orınlanıwın hár sherekte dodalap barıw, orınlaw ushın juwapker uyımlardıń
jumısın muwapıqlastırıw hám qadaǵalaw
Ózbekstan Respublikası Bas ministriniń orınbasarı Sh.M.Ǵanievqa júklensin.
Ámelge
asırılıp atırǵan ilajlardıń nátiyjeliligi boyınsha Ministrler Kabinetine hár
yarım jıldıń juwmaǵı boyınsha málimleme kirgizip barılsın.
Ózbekstan
Respublikası
Prezidenti Sh.MIRZIYoEV
Tashkent
qalası,
2021-jıl 9-fevral