Qaraqalpaqstan Respublikası Ministrler Keńesi

2020-jıldıń 20-noyabr kúni Qaraqalpaqstan Respublikası Joqarǵı sudında Qaraqalpaqstan Respublikası sudları menen Qaraqalpaqstan Respublikası Máhálle hám shańaraqtı qollap-quwatlaw ministrligi arasında óza-ara birge islesiw haqqındaǵı Memorandumǵa qol qoyıldı. 

 

Ilajda Qaraqalpaqstan Respublikası Ministrler Keńesi Baslıǵı orınbasarı, Máhálle hám shańaraqtı qollap-quwatlaw ministri S.Turmanov, Jınayat isleri boyınsha sudınıń baslıǵı G.Bazarbaeva, Puqaralıq isleri boyınsha sudınıń baslıǵı K.Tarixov, Hákimshilik sudınıń baslıǵı A.Adilov, Ekonomikalıq sudınıń baslıǵı G.Zaripova hám sudyalar qatnastı.

Memorandumnıń tiykarǵı maqseti óz-ara baylanıslardı ele de kúsheytiw, birge islesiwdi jáne de jetilistiriw hám onı turaqlı, sistemalı túrde jolǵa qoyıw bolıp esaplanadı.

Atap ótilgenindey, puqaralardıń huquqları, erkinlikleri hám nızamlı máplerin isenimli qorǵaw boyınsha ashıq-aydınlıqtı támiyinlew, olardı nızamǵa húrmet ruwxında tárbiyalaw, sonday-aq, jınayat islegen shaxstı jazalaw emes, bálkim jınayattıń kelip shıǵıw sebeplerin, faktorların tereń úyreniw hám keń jámiyetshiliktiń qatnasıwında tolıq úyrenip shıǵıw bolıp esaplanadı.

Bul xújjet mámleketimizde isannıń ómiri, erkinligi hám qádir-qımbatınıń eń joqarı qádiriyat sıpatında tán alınıwınıń ámeliy kórinisi bolıwı menen birge, sud organları iskerliginiń ashıqlıǵın támiyinlewge hám óz-ara birge islesiwdiń rawajlanıwına xızmet etedi. 

Qaraqalpaqstan Respublikası Máhálle hám shańaraqtı qollap-quwatlaw ministrligi Málimleme xızmeti