Qaraqalpaqstan Respublikası Ministrler Keńesi

18.12.2024 docx formatta júklep alıw (315,2 kb) pdf formatta júklep alıw (879,8 kb) baspaǵa shıǵarıw

 Nókiste Ózbekstan Respubliskası Prezidentiniń usı jıl 27-oktyabrdegi «Mámleket qatnasıwındaģı kárxanalardı reformalawdı jedellestiriw jáne mámleketlik aktivlerdi menshiklestiriwge baylanıslı ilajlar haqqında»ģı pármannıń mazmun-mánisine baģıshlanģan baspasóz ánjumanı bolıp ótti.

Mámleketlik aktivlerdi basqarıw agentligi Qaraqalpaqstan Respublikası aymaqliq basqarmasınıń baslıģı Bekzod Madaminov hám basqa qánigelerdiń atap ótkenindey, bul párman mámleketlik kárxanalardı basqarıw, transformaciyalaw, mámleketlik aktivlerdi satıwdan aldın tayarlaw, menshiklestiriw hám onıń tártiplerin belgileydi.

 Pármannıń 4-qosımshadı menen Qaraqalpaqstan Respublikasındaģı 12 mámleket qatnasıwdaģı kárxanadaģı mámleketlik úleslerdi menshiklestiriw belgilengen. Sonıń ishinde, 9 mámleket qatnasıwındaģı kárxananıń mámleketlik akciya paketleri hám úlesleri ģalaba sawdalar arqalı satıladı, 3 akcionerlik jámiyettiń mámleketlik akciya paketleri bul jámiyetlerdegi mámleketlik úlesi bar shólkemlestiriwshilerdiń ustav fondına nominal bahada ótkeriledi.

Usı párman menen mámleketlik aktivlerdi menshiklestiriwde engizilgen tártipler haqqında hár tárepleme maģlıwmat berildi.

Sonıń ishinde, mámleketlik úleslerin bólip-bólip tólew shárti menen satıp alģan hám shamalı tólemdi ámelge asırģan tutınıwshılarģa tolıq tólemler ámelge asırılģanģa shekem úles bahasınıń tólegen bólegine teńdey túrde jámiyetti basqarıwda qatnasıw hám dividendler alıw huqıqı tiykarında «iyelik etiw huqıqsız» iyelik sertifikatı beriliwi, mámleketlik aktivlerdi satıwdıń shártlerine muwapıq bolģan buyırtpada tek bir talapker tárepinen berilgen bolsa, bul birden-bir qatnasıwshı menen aldı-sattı shártnamasın dùziw múmkin ekenligi, pármannıń 4-qosımshasındaģı sap aktivleriniń mámleketlik akciya paketleri (úlesleri)ne salıstirģanda proporcional bahası 100 million somnan artpasa, olardı burınģısınan basqasha tárizde, sap aktivleriniń proporcional úlesine teń (sap aktivleri ustav kapitalınan az bolģanda nominal) bahada ģalaba sawdalarģa shıģarılıwı siyaqlı jańa tártipler engizildi

Mámleketlik tender komissiyasına usı pármannıń 4 hám 5-qosımshalarındaģı mámleketlik akciya paketleri (úlesleri), kóshpes múlk obektleri bahalanģan bahada ģalabalıq sawdalarda úsh ay múddet dawamında satılmaģan jaģdayda, olardıń baslanģısh bahasın Agentliktiń usınısına tiykarlanıp qayta belgilew, sonday-aq, mámleketlik aktivlerdi menshiklestiriw haqqında qarar qabıl etiw olardı satıw shártleri, sawda túri hám ģalabalıq sawdalarda baslanģısh bahasın belgilew wákilleri engizildi.

Bunnan tısqarı mámleketlik kóshpes múlk obektleri «nol»lik satıp alıw bahasında satıw ámelıyatı biykar etilip, Qaraqalpaqstan Respublikası Joqarģı Keńesi hám xalıq feputatları wálayatlıq, Keńesleri, Qaraqalpaqstan Respublikası Ministrler Keńesiniń baslıģı hám wálayatlardıń hákimleri jáne Mámleketlik tender komissiyasına kóshpes múlk obektleri investicialıq hâm sotsiallıq minnetlemeler qabıl etiw shárti menen «1 som» baslanģısh baha menen ģalabalıq sawdalarģa shıģarıw boyınsha qarar qabıl etiw huqıqı berildi.

Pármannıń orınlanıwın támiyinlew boyınsha ámelge asırılıp atırģan jumıslarda da toqtap ótildi. Usı párman menen Qaraqalpaqstan Respublikası Joqarģı Keńesi hám Ministrler Keńesine berilgen wákillikler sheńberınde usı jıl 1-dekabrge shekem 51 mámleketlik kóshpes múlk obektiniń ģalabalıq sawdalarģa shıģarılıwı támiyinlenedi,

- Baspasóz ánjumanınıń ótkeriwden tıykarģı maqset, pármannıń mazmun hám mánisin ģalaba xabar qurallarınıń wákilleri arqalı keń jámiyetshilikke jetkeriwden ibarat,

- deydi Mámleketlik aktivlerdi basqarıw agentliginiń Qaraqalpaqstan Respublikası aymaqlıq basqarması baslıģınĩń orınbasarı Ájiniyaz Mnajov.

- Bul bolsa, mámleket qatnasıwındaģı kárxanalardı reformalawdı jedellestiriw jáne mámleketlik aktivlerdi menshiklestiriwge xızmet etedi.

Ílaj qatnasıwshıları ózlerin qızıqtırģan sorawlarģa juwap aldı.

Dawıt Abibullaev,

Qaraqalpaqstan xabar agentliginiń sholıwshısı